Վրաստանի ամենամեծ ընդդիմադիր՝ «Միացյալ ազգային շարժում» կուսակցության առաջնորդ Նիկա Մելիան լքում է Վրաստանի խորհրդարանը և առաջադրվելու է Թբիլիսիի քաղաքապետի պաշտոնում: Հաղորդում են վրացական ԶԼՄ-ները։
Վրաստանի հերթական ՏԻՄ ընտրությունները նշանակված են հոկտեմբերի 2-ին:
Մելիան ասել է, որ հրաժարվում է պատգամավորական մանդատից և ընկերների հետ միասին ամբողջությամբ անցնում է նախընտրական քարոզարշավի:
Նիկա Մելիան Թբիլիսիի քաղաքապետի պաշտոնում կառաջադրվի ոչ միայն «Միացյալ ազգային շարժումից». նրան աջակցում են նաև ընդդիմադիր մի քանի փոքր կուսակցություններ:
Ընտրություններում նրա հիմնական մրցակիցը կլինի «Վրացական երազանք- ժողովրդավարական Վրաստան» իշխող կուսակցության թեկնածուն՝ Թբիլիսիի գործող քաղաքապետ Կախա Կալաձեն:
Իշխող կուսակցությունը Մելիային չի համարում մրցակից և հույսը դնում է իրենց թեկնածուի անվերապահ հաղթանակի վրա: