«Առաջին լրատվական»-ի զրուցակիցն է «Ազատամարտիկների դաշինքի» խորհրդի անդամ Ռազմիկ Պետրոսյանը։
-Պարոն Պետրոսյան, հայ-ադրբեջանական սահմանի հյուսիս-արևելյան ուղղությամբ հակառակորդը հերթական սադրանքին է գնացել, ինչի արդյունքում մենք զոհեր ու վիրավորներ ունեցանք։ Ձեր կարծիքով՝ Ադրբեջանի այս գործողություններն ի՞նչ նպատակ են հետապնդում։
–Իրենց խնդիրն այսօր մեր տարածաշրջանում Եվրոպայի կողմից ցուցաբերվող ակտիվությունն ու դիրքորոշումն է։ Հայերի հանդեպ Եվրոպայում կա դրական վերաբերմունք, ու բնական է, որ իրենց մոտ խանդ է առաջացել։ Իրենք ավելի շատ ուզում են, որ այդ միջադեպերով ռուսական գործոնն ավելի ակտիվացնեն, որպեսզի մենք դեմքով թեքվենք դեպի Ռուսաստանը։ Իրենց առաքելությունը այժմ դա է, բայց մեր վրա այն պետք է բացարձակ ոչ մի ազդեցություն չունենա։ Մեզ մնում է միայն համարժեք պատասխան տալ։ Փառք Աստծո՝ մեր բանակն ի զորու է դա անել, իսկ մենք՝ ազատամարտիկներս նաև մեր դաշինքով կոչ ենք անում միավորվել։ Այն բոլոր կռված տղեքը, ում համար հայրենիքը վեր է բոլոր տեսակ քաղաքական դիրքորոշումներից պետք է հավաքվեն։ Մի փոքր սադրանքին պետք է պատասխանենք հուժկու հարվածով, որպեսզի իրենք ուշքի գան։ Այդ կենդանին, այդ ազգը միայն արյան հոտն առնելուց են վախենում։
-Սրանք լոկալ սադրանքնե՞ր են, թե՞ ավելի մեծ պատերազմական գործողությունների վտանգ կա։
-Այնպես չէ, որ Ադրբեջանն այսօր պատրաստ է մարտական գործողությունների։ 44 օրյա պատերազմն էլ ցույց տվեց, որ ինքը նույնիսկ թուրքական ու վարձկան ուժերի հետ չկարողացավ իր առջև դրված խնդիրն ամբողջությամբ իրականացնել։ Ուր մնաց, թե առանց այդ ուժերի մեր դեմ կարողանա պատերազմել։
-Նման պայմաններում հնարավոր համարու՞մ եք ընդդիմադիր և իշխանական ուժերի միավորումը՝ հանուն հայրենիքի, թե՞ կարծում եք, որ ընդդիմությունը ուրախանում է երկրում ստեղծված իրավիճակով և հերթական առիթն է ման գալիս իշխանություններին քննադատելու համար։
-Մենք բոլոր ժամանակներում էլ ունեցել ենք անհատներ կամ քաղաքական «գործիչներ», որոնց համար իրենց անձնական ամբիցիաները շատ ավելի բարձր են եղել, քան ազգի շահերը։ Չեմ էլ ուզում իրենց անդրադառնալ, որովհետև իրենք այդքան չկան։Գոնե կռված տղաներով պարտադիր պետք է համախմբվենք։ Պետք է Ադրբեջանին հիշեցնենք 1992-1994 թիվը։ Հենց այդ վիճակը հիշեցնենք՝ երկարատև խաղաղություն կունենանք։
