ՔՊ կուսակցության նոր պատգամավորները վարչապետի պաշտոնակատար Նիկոլ Փաշինյանի հետ հանդիպումից հետո հայտարարեցին, որ նոր խորհրդարանն իր աշխատանքը կսկսի 44-օրյա պատերազմի քննիչ հանձնաժողովի ստեղծումով: Այդ քայլի կարևորության ու անհրաժեշտության մասին խոսքը ընդհանրապես ավելորդ է: Սակայն, նույնքան կարևոր է այն, որ հանձնաժողովի ստեղծումը և աշխատանքը ուղեկցվի այնպիսի մեխանիզմներով և տրամաբանությամբ, որոնք կապահովեն հանրային առավելագույն լեգիտիմություն և վստահություն: Այդ խնդրի մասին առիթ եմ ունեցել խոսելու դեռևս ամիսներ առաջ, երբ քննիչ հանձնաժողովի հարցը շոշափվում էր տարբեր քաղաքական ուժերի, այդ թվում փողոցում պայքար ծավալող արմատական ընդդիմության օրակարգում: 44-օրյա պատերազմի քննիչ հանձնաժողովի նպատակը պետք է լինի ուսումնասիրության միջոցով գալ մի հանգրվանի, որտեղ հնարավոր կլինի հանրությանը դուրս բերել պատերազմի թեմայով կամա, թե ակամա, գիտակցված, կամ պարզապես հասկանալի զգայական ֆոնով պայմանավորված մանիպուլյատիվ հոսանքների ազդեցությունից, այդպիսով նաև դուրս գալով հանրային համերաշխության խնդրի լուծման ճանապարհին որոշակի նոր աստիճանահարթակ: Թեմայի շուրջ «Առաջին լրատվական»-ը զրուցել է իրավապաշտպան Ժաննա Ալեքսանյանի և քաղաքագետ Էդգար Վարդանյանի հետ: