Չարենցավանի թիվ 6 հիմնական դպրոցում 2021 թվականին բացվել է հատուկ խնամք պահանջող երեխաների համար նախատեսված դասասենյակ։ Այստեղ օրուգիշեր երեխաների հետ աշխատում են մանկավարժներ՝ նրանց հասարակությանը լիարժեք ինտեգրելու համար:
Նշենք, որ գաղափարի հեղինակը ամերիկաբնակ, ծնունդով Չարենցավանից Խալաֆյանների դուստր Մանե Խալաֆյանն է, որի ընկերուհին, ով ևս բնակվում է Միացյալ Նահանգներում, նման խնդիր ունի։ Մանեն, տեսնելով, թե ինչպիսի պայմաններում են երեխաները ԱՄՆ-ում անցկացնում դասերը, որոշեց հայրենի Չարենցավանում նման կենտրոն բացել: Ծրագրի իրականացման համար նա դիմեց հորը` Համլետ Խալաֆյանին, որի մեծ օժանդակությամբ էլ կյանքի կոչվեց այս նախագիծը։
Չարենցավանի այս դպրոցում դեռ 2014թ. կրթության առանձնահատուկ պայմանների կարիք ունեցող չորս երեխա էր սովորում, այս ուսումնական տարում նրանք արդեն 45-ն են: Երեխաները դասերից հետո մոտ մեկուկես ժամ պարապմունքներ են անցկացնում արդեն առավել հարմարավետ և ուսուցողական նյութերով հագեցած սենյակում:
Առավել մանրամասն՝ տեսանյութում:
