Ամենացածր վարձատրություն ստացող պարեկը կստանա մոտ 230.000 ՀՀ դրամ։ Ըստ դասակարգումների՝ աշխատավարձերի հավելյալ մասը կստանան պարեկները և ավագ պարեկները։ Այս մասին հրավիրված մամուլի ասուլիսին ասաց ՀՀ ոստիկանության պարեկային ծառայության պետ Արթուր Ումրշատյանը։
Ումրշատյանի խոսքով՝ թեև սոցիալական բաղադրիչը կարևոր է, բայց անձնակազմի մոտիվացիան այնքան բարձր մակարդակի վրա է, որ որևէ մեկը չի բարձրացրել աշխատավարձի հարցը։
Ինչ վերաբերում է խնդիրներին, ծառայության պետը նշեց, որ ամենօրյա ռեժիմով խնդիրները լուծվում են, ծառայության որակը՝ բարձրացնում։
