Թունիսի նախագահ Կայս Սայիդը երկրի վարչապետ Հիշամ ալ-Մեշիշիին զրկել է լիազորություններից, իսկ խորհրդարանի անդամներին՝ անձեռնմխելիությունից։ Այս մասին հայտնում է Reuters-ը։
«Ընդունել եմ որոշում, որը պետք է ընդունեի մի քանի ամիս առաջ՝ խորհրդարանի բոլոր գործառույթների սառեցում։ Երկրի սահմանադրությունը թույլ չի տալիս արձակել խորհրդարանը, սակայն չի արգելում սառեցնել դրա գործունեությունը։ Միջոցառումները կգործեն այնքան ժամանակ, քանի դեռ խաղաղությունը չի վերադարձել Թունիս և քանի դեռ մենք չենք փրկել պետությունը»,-ասել է նախագահը։
Սայիդը ստանձնել է կառավարության ղեկավարի պարտականությունները։ Նշենք, որ Հիշամ ալ-Մեմիշին գլխավորում էր նախարարների կաբինետը 2020 թվականի սեպտեմբերից։
Որոշումներն ընդունվել են՝ կապված Թունիսում ընթացող ցույցերի հետ։ Մասնակիցները պահանջում են արձակել խորհրդարանը, փոփոխել քաղաքական ռեժիմը և պատասխանատվության ենթարկել երկրի համաճարակաբանական և սոցիալ-տնտեսական վիճակի վատթարացման մեղավորներին։
Տեղի ոստիկանությունն արգելափակել է մայրաքաղաքի գլխավոր փողոց՝ Բուրգիբա տանող բոլոր մուտքերը։ Այն 10 տարի առաջ եղել է թունիսյան հեղափոխության առանցքային վայրը։ Ոստիկաններով է շրջապատվել նաև խորհրդարանը։
https://twitter.com/hakrashaa/status/1419466430886653953?ref_src=twsrc%5Etfw%7Ctwcamp%5Etweetembed%7Ctwterm%5E1419466430886653953%7Ctwgr%5E%7Ctwcon%5Es1_&ref_url=https%3A%2F%2Fwww.shantnews.am%2Fnews%2Fview%2F955766.html