Friday, 29 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Հայաստանյան և արցախյան լավագույն գինիները մեկ տեղում. կանցկացվի «Տավուշի գինու օր» միջոցառումը

Հայաստանում, թե Հայաստանից դուրս արդեն շատերի կողմից սիրված «Երևանի գինու օրեր» միջոցառման համն ու հոտը, մշակույթը փոխանցվում է Տավուշին: Ընթացիկ տարվա սեպտեմբերի 4-ին սահմանամերձ Տավուշում կանցկացվի «Տավուշի գինու օր» միջոցառումը, որը կարող է դառնալ Հայաստանի իրադարձային զբոսաշրջության հաջորդ ամենավառ միջոցառումներից մեկը՝ ամրապնդվելով միջազգային իրադարձային զբոսաշրջության շուկայում։ «Արմենպրես»-ի հետ զրույցում միջոցառման կազմակերպիչ «ԷվենտՏուրա» ընկերության մեդիայի հետ կապերի պատասխանատու Քրիստինե Սարգսյանը նշեց, որ այս միջոցառումը Տավուշում առաջին անգամ է իրականացվում: Միջոցառման նպատակն է խթանել գինու զբոսաշրջությունը Հայաստանում՝ հատկապես համայնքներում, զարգացնել ու ճանաչելի դարձնել, և ապահովել մեր երկրի՝ որպես գինու հնագույն օրրաններից մեկի ճանաչելիությունը:

«Տավուշի մարզի ընտրությունը պայմանավորված չէ տարածաշրջանի գինեգործության և գինու արտադրության հետ, այնպես ինչպես «Երևանի գինու օրեր» միջոցառմանը չեն ներկայացվում միայն Երևանի գինիները։ Մեր հիմնական նպատակն այս մարզի գինիները բացահայտելը չէ, այլ ստեղծել և զարգացնել զբոսաշրջային պրոդուկտ, որով ավելի ճանաչելի կդառնա Տավուշն իր հրաշագեղ բնությամբ ու կոթողներով, որով կապակենտրոնացնենք զբոսաշրջիկների հոսքը դեպի Երևան»,- ասաց նա։

«Տավուշի գինու օր» միջոցառումը նախատեսվում է անցկացնել յուրաքանչյուր տարվա սեպտեմբեր ամսվա առաջին շաբաթ օրը։ Այս տարվանը կկայանա սեպտեմբերի 4-ին, Տավուշի մարզի մեծ քաղաքներից մեկում, ամենայն հավանականությամբ Դիլիջանում կամ Իջևանում: Միջոցառմանը կներկայացվեն հայաստանյան և արցախյան գինի արտադրողները, այդ թվում, տավուշյան տնայնական գինիները, հիմնականում տավուշյան ռեստորանները, սրճարանները։

Գինու ցուցադրությունն ու համտեսը կուղեկցվի մշակութային հատվածով: Միջոցառման արվեստի գոտում ներկայացված են լինելու տավուշյան թանգարանները, արվեստի ցուցասրահները և արվեստագետներն իրենց աշխատանքներով՝ ժամանակակից արվեստ, լուսանկարչություն, քանդակագործություն և այլն։

Կազմակերպիչները, շեշտադրելով Տավուշի զբոսաշրջային հնարավորությունները «Տավուշի զբոսաշրջային ներուժը» գոտում ներգրավելու են հայաստանյան բոլոր այն զբոսաշրջային ընկերություններին, տեղեկատվական կենտրոններին, անհատ-զբոսավարներին, արշավականներին, որոնք առաջարկում են ցանկացած տեսակի տուրեր դեպի Տավուշի մարզ կամ տրամադրում են այդպիսի տեղեկատվություն:

Միջոցառմանն անմասն չեն մնա երեխաները: Մանկական գոտում տեղադրված է լինելու փոքր բեմ, որտեղ տավուշյան թատրոնների, մշակութային տների և այլ կրթական կազմակերպությունների սաները ցուցադրելու են մանկական մոնո ներկայացումներ։ «Տավուշի գինու օրը», գինու սիրահար զբոսաշրջիկներն ու տեղացիներն ունեն ընտրության լայն հնարավորություն ըմպել հայկական էնդեմիկ սորտերից պատրաստված լավագույն գինիները:

Առաջին 2 տարում նախատեսվում է միջոցառումն իրականացնել Տավուշի մեծ քաղաքներում, որպեսզի «Տավուշի գինու օր» զբոսաշրջային պրոդուկտը դառնա ճանաչելի, որից հետո այն կտեղափոխվի Տավուշի մարզի այլ ավելի փոքր համայնքներ՝ նպատակ ունենալով զարգացնելու, բացահայտելու տավուշյան ողջ զբոսաշրջային պոտենցիալը։ Այն կդառնա Տավուշի համար շրջիկ միջոցառում-փառատոն։ Քրիստինե Սարգսյանն ընդգծեց, որ Տավուշն իր համայնքներով, քաղաքներով և առկա ռեսուրսներով արժանի է ունենալ հատուկ փառատոն իրեն նվիրված։ Նա նկատեց, որ «Երևանի գինու օրերը» դարձել է այնպիսի զբոսաշրջային պրոդուկտ, որը հրապուրում է հարյուրավոր միջազգային զբոսաշրջային ընկերություններին, որոնք կազմում են հատուկ այդ օրերի համար զբոսաշրջային փաթեթներ։ Միջոցառումն ունենում է մի քանի տասնյակ հազար այցելուներ, որոնց մեծ մասը կազմում են հենց զբոսաշրջիկներն աշխարհի տարբեր ծայրերից։ Ի տարբերություն «Երևանի գինու օրեր»-ին «Տավուշի գինու օր» միջոցառմանը մասնակից են լինելու նաև տավուշյան տնայնական գինեգործները։

«Մեր ընկերության նպատակն է նմանատիպ միջոցառումների և փառատոների միջոցով զարգացնել, ճանաչելի դարձնել համայնքների զբոսաշրջային պոտենցիալը և նոր զբոսաշրջային մեկնուղիները։ Դրան հասնելու համար՝ միջոցառումը մեկ անգամ կազմակերպելով չենք ստանա արդյունք։ Այդ իսկ պատճառով ցանկացած տարածաշրջանում որևէ ծրագիր իրագործելուց առաջ հաշվի ենք առնում երկարաժամկետությունը։ Մոտակա տարիների համար թիրախավորել ենք Տավուշի մարզը։ «Գինու օրեր» անցկացնելու համար ամեն տարի կընտրենք Տավուշի մարզում տարբեր համայնքներ ու քաղաքներ, որով ցույց կտանք Տավուշի ամբողջական պոտենցիալը»,-ասաց նա։ Բացի ավանդական դարձնելուց, ընկերությունը նպատակ ունի սկսած 2-րդ, 3-րդ տարուց հյուրընկալել որևէ միջազգային փառատոն, որը մեկ միասնական տաղավարով կներկայացնի փառատոնը և նույնը կլինի հակառակ ուղղությամբ, այսինքն՝ «Տավուշի գինու օրը» գինեգործների մեկ միասնական տաղավարով կհյուրընկալվի տվյալ երկրի փառատոնին։

«Վերջին 2 տարում պանդեմիայի ընթացքում մասնակից ենք եղել տարբեր առցանց եվրոպական միջոցառումներ և փառատոներ ներկայացնող համագործակցության հարթակներում։ Այս ամենի արդյունքում արդեն նախատեսել ենք, թե որ երկրների հետ կարելի է համագործակցել և փոխադարձ հյուրընկալել միմյանց միջոցառումներին»,-հավելեց Քրիստինե Սարգսյանը:

Հետագայում հնարավո՞ր է գինու օրերի մշակույթը փոխանցել այլ մարզեր: «ԷվենտՏուրա» ընկերության համահիմնադիր և տնօրեն Մերի Բադալյանը նշեց, որ նման մտադրություն ունեն, և այժմ հստակեցումների փուլում են:

«Այո, բնականաբար «Երևանի գինու օրեր»-ի հանրահռչակությունն ու աշխարհի տարբեր ծայրերում ճանաչելիությունը պետք է օգտագործել և ներդնել այդ փորձը Հայաստանի այլ մարզերում։ Թե որը կլինի հաջորդ մարզը առայժմ կդժվարանանք հստակ պատասխանել, քանի որ դա ուսումնասիրությունների, առկա խնդիրները գնահատելու և վերլուծելու արդյունքում է ի հայտ գալու։ Ամենայն հավանականությամբ կլինի Սյունիքի մարզը, գուցե չլինի «Գինու օրեր», կլինի այլ խորագրի ներքո՝ ուղղված Սյունիքի զբոսաշրջային պոտենցիալը բացահայտելուն։ Այս ամենով միջազգային զբոսաշրջային ընկերությունների և զբոսաշրջիկների «Գինու օրեր»-ի հանդեպ սերը կուղղենք դեպի Սյունիք»-հավելեց նա։

Բաժիններ
Ուղիղ
Լրահոս
Որոնում