Առավոտյան և կեսօրին եռանդուն մարդիկ, որոնք սովորաբար կոչվում են «արտույտներ», կորոնավիրուսային վարակի ֆոնին կարող են հանկարծակի վերածվել երեկոյան և գիշերվա ընթացքում արթուն «բվերի»: Ուղեղի համաշխարհային օրը РИА Новости-ին ասել է նյարդաբան Էրկին Շամսիևը:
Ուղեղի համաշխարհային օրը ամեն տարի նշվում է հուլիսի 22-ին: Տոնը սահմանվել է Նյարդաբանության համաշխարհային ֆեդերացիայի կողմից 2014 թվականին:
«Հաճախ կորոնավիրուսային վարակ ունենալուց հետո մարդիկ բողոքում են էնցեֆալոպաթիայից (հիվանդություն, որի դեպքում ուղեղի հյուսվածքը փոխվում է դիստրոֆիկ կերպով, ինչը հանգեցնում է նրա ֆունկցիայի խախտմանը): Այս առումով, մարդը հաճախ ունենում է անցանկալի ռեակցիաներ. «բվերը» կարող են «արտույտներ» դառնալ և հակառակը», – ասել է Շամսիևը:
Ինչպես նշել է նյարդաբանը, նման հիվանդներին հաճախ նշանակում են հանգստացնող դեղեր, քանի որ, բացի քնի հետ կապված դժվարություններից, նրանք հաճախ բախվում են նաև այլ հոգեկան և հոգեբանական խնդիրների:
Մարդը, որը տառապել է կորոնավիրուսով, քունը բարելավելու և այլ անցանկալի հետևանքներից խուսափելու համար, պետք է աշխատի ամրապնդել իմունիտետը. սպորտով զբաղվել, ճիշտ սնվել և հնարավորության դեպքում բացառել ալկոհոլը և ծխախոտը:
