Monday, 20 09 2021
Վահան Բիչախչյանի դուբլը
«Ճիշտ կլինի, որպեսզի «Ավրորան» գումարի մի մասն այս տարի հատկացնի Աֆղանստանին»․ Ռուբեն Վարդանյան
11:53
Հայաստանում կապի վերջին անալոգային կայանը փոխարինվել է 25G-PON գերհզոր ցանցով
Գազի գնի հարցը Հայաստանի համար մնում է արդիական. Մհեր Գրիգորյան
11:40
Ամենամյա բարեգործական ընթրիք՝ հասարակության խոցելի խավին աջակցելու համար
Տրանսպորտային կապերի ապաշրջափակումը հնարավորություն կտա ավելացնել ՀՀ-ի և ՌԴ-ի ապրանքաշրջանառությունը. Օվերչուկ
Հանուն դրա էլ մենք աշխատում ենք. ՌԴ փոխվարչապետը` եռակողմ բանակցությունների մասին
Հայաստանում հաստատվել է կորոնավիրուսի 342 նոր դեպք, առողջացել 490 քաղաքացի
Հայ-ռուսական տնտեսական հարաբերությունները տարեցտարի ընդլայնվում են․ Վահագն Խաչատրյան
Հանրապետության հրապարակ մտնող բոլոր փողոցները փակ կլինեն. ոստիկանության հայտարարությունը
ՌԴ ընկերությունները պատրաստ են դիտարկել ՀՀ-ի ներկայացրած բիզնես նախագծերը. ՌԴ փոխվարչապետ
«Յանդեքս»–ն ու «Ուրալը» հետաքրքրված են Հայաստանում աշխատելու հեռանկարով. ՌԴ–ում ՀՀ դեսպան
Հայաստանոմ սեպտեմբերի 19-ի դրությամբ կատարվել է 366 779 պատվաստում
ՀՀ–ՌԴ ապրանքաշրջանառությունն այս տարվա առաջին կեսին կազմել է 1,9 մլրդ դոլար. փոխվարչապետ
Դարձանք անհավատ․ Կոլեկտիվ դավաճանության երկու աղբյուր կառանձնացնեի. Նուբար Աֆեյան
Հայաստանը պատրաստ է աշխատել ռուսական խոշոր ընկերությունների հետ․ Վահան Քերոբյան
Հայաստանը կարող է «Սպուտնիկ լայթ»-ի արտադրություն սկսել․ Մհեր Գրիգորյան
«Արևիկ» պարկում հրդեհաշիջման աշխատանքները վերսկսվել են․ դեպքի վայրում է 8 մարտական հաշվարկ
Եթե կառավարությունը հայտարարեր, որ պետական մակարդակով որևէ կերպ չի նշվելու Անկախության տոնը, մարդիկ ասելու էին, որ մեր իշխանությունները դավաճան են ու թուրք․ Էդմոն Մարուքյան
Ցավոք, որոշ դեպքերում տեսանք նաև ուսուցչական այլ որակ․ այն որակը, որ կուզեի երբեք չտեսնել մեր դպրոցներում․ Ժաննա Անդրեասյան
Ապաշրջափակումը դրական է, բայց պետք է հասկանալ, թե դա ինչ գնով է արվում և մենք դրա դիմաց ինչ ենք տալիս
ՌԴ-ում քվեների 60 տոկոսի հաշվարկման արդյունքներով առաջատարը «Եդինայա Ռոսիա»-ն է
Էրդողանը բացում է խաղաքարտերը և Փաշինյանի առաջարկը
09:30
ԱՄՆ-ի գլխավոր վարակաբանը պանդեմիայի հետ կապված կանխատեսում է արել
Միանշանակ չէ, որ ընդդիմությունը փողոցային պայքար սկսի՝ հասարակությունը ոտքի կկանգնի
ՌԴ Պետդումա են անցնում 5 կուսակցություններ․ ԿԸՀ նախնական տվյալներ
Խաղողը պետք է դուրս բերել քաղաքական դաշտից
Երասխ համայնքում կտեղադրվի ՀՀ-ում ամենամեծ եռագույնը. Գարիկ Սարգսյան
08:30
Live. «Առաջին լրատվական» տեղեկատվական-վերլուծական կենտրոն
Հրշեջ-փրկարարները մարել են բռնկված հրդեհները

Էիչի Շիբուսավայի գործունեությունը հայ-ճապոնական հարաբերությունների խորացման ուղերձ է. Արմեն Սարգսյան

Աշխատանքային այցով Ճապոնիայում գտնվող՝ Հայաստանի Հանրապետության նախագահ Արմեն Սարգսյանն այսօր Տոկիոյում այցելել է հայտնի ճապոնացի գործարար և բարերար, հայ ժողովրդի բարեկամ Շիբուսավա Էիչի հուշահամալիր-հիմնադրամ:

Էիչի Շիբուսավայի կողմից 1922 թվականին Տոկիոյում ստեղծվել է բարեգործական «Հայ օգնության հիմնադրամը» («The Armenian relief fund»), որը զգալի օգնություն է ցուցաբերել ցեղասպանությունից մազապուրծ եղած հայերին՝ հատկապես Ճապոնիայի միջոցով դեպի ԱՄՆ և այլ երկրներ տեղափոխվելու և ապաստան գտնելու հարցում: Հիմնադրամի ստեղծման գործում դերակատարություն է ունեցել նաև Օսմանյան կայսրությունում ԱՄՆ դեսպան Հենրի Մորգենթաուն:

Ժամանակի ամենաազդեցիկ գործիչ, «Ճապոնական կապիտալիզմի հայրը» համարվող Շիբուսավան առաջնորդող դեր է ունեցել Ճապոնիայի ժամանակակից հասարակության զարգացման գործում, եղել է նաև Ճապոնիայում առաջին ժամանակակից բանկի, ինչպես նաև Ճապոնիայի Առևտրի և արդյունաբերության պալատի հիմնադիրը: Նա ներգրավված է եղել մոտ 500 ձեռնարկությունների ու տնտեսական կազմակերպությունների ստեղծման, ինչպես նաև սոցիալական ապահովության, կրթական կազմակերպությունների հիմնադրման գործում: Շիբուսավա Էիչիի դիմանկարը 2024 թվականից լինելու է ¥ 10000 թղթադրամի վրա:

Նախագահ Սարգսյանը Շիբուսավա Էիչի հուշահամալիր-հիմնադրամում հանդիպում է ունեցել տնօրեն Ջունեցու Կոմացուի և Էիչի Շիբուսավայի ծոռան՝ Մասահիդե Շիբուսավայի հետ: Շնորհակալություն հայտնելով ընդունելության համար՝ նախագահ Սարգսյանը այցը կարևոր է համարել մեր երկրի համար: Ողջ հայ ժողովրդի և իր անունից երախտագիտության հայտնելով ժամանակին Էիչի Շիբուսավայի և նրա հիմնադրամի կողմից հայ ժողովրդին ցուցաբերած անգնահատելի աջակցության համար՝ նախագահը նշել է, որ Ճապոնիան օրինակ է մեզ համար. «Դուք ևս, որպես ազգ, դժվարին ժամանակներ եք ապրել, ունեցել եք կորուստներ, երբեմն մտածել եք, որ ամեն ինչ կորցրել եք, իսկ հետո վերականգնվել եք և կառուցել եք ձեր հայրենիքը: Հուսով եմ՝ նոր էջ կսկսենք հայ-ճապոնական հարաբերություններում, որը կենտրոնացած կլինի ապագայի, նոր տեխնոլոգիաների, նոր ուղիների վրա: Հենց այս առաքելությամբ եմ ես այստեղ»:

Անդրադառնալով Էիչի Շիբուսավայի գործունեությանը՝ նախագահ Սարգսյանը նշել է, որ Ճապոնացի մեծ գործարարի և բարեգործի կյանքն ու գործունեությունը ոգեշնչող են և ինչ-որ առումով յուրօրինակ ուղերձ՝ հայ-ճապոնական հարաբերությունների խորացման համար:

Այնուհետև նախագահ Սարգսյանը Մասահիդե Շիբուսավային է հանձնել Հայոց ցեղասպանության թանգարան-ինստիտուտի «Հենրի Մորգենթաու» հուշամեդալը: «Ձեր մեծ պապը՝ Էիչի Շիբուսավան մեծ գործարար էր, Ճապոնիայի տնտեսության հիմնադիրներից մեկը: Նա մեկն է, ում շնորհիվ փրկվեցին մեծ թվով հայեր: Եվ այստեղ խոսքը միայն կյանքեր փրկելու մասին չէ: Ամենակարևորն այն է, որ ժողովուրդը վերապրում ու վերածնվում է, եթե ունի հույս: Կարևոր չէ, թե այսօր որքան ծանր վիճակում ես, եթե կա հույս, կարող ես վերապրել, եթե կա հույս, կարող ես վերակառուցել, եթե կա հույս, կարող ես շարունակել քո կյանքը: Հույս կունենաս, եթե ուժեղ ես, հույս կունենաս, եթե ունես ընկերներ՝ ինչպես 1915 թվականին՝ Ցեղասպանությունից հետո: Մենք ունեինք ընկերներ, և նրանցից մեկը դեսպան Մորգենթաուն էր, իսկ մյուսը՝ Ձեր մեծ պապը,-ասել է նախագահը:- Այսօր այս գնահատականը ինչ-որ առումով ուղղված է նաև ապագա հայ-ճապոնական տնտեսական հարաբերությունների սերտացմանն ու զարգացմանը, Հայաստանի տնտեսական վերածննդին Ճապոնիայի ակտիվ օժանդակությանը, այնպես, ինչպես Ցեղասպանության ժամանակ ճապոնացի մեծ գործարարի ու բարեգործի կողմից հայ ժողովրդին մեկնած ձեռքը նրանց վստահություն ներշնչեց և ապագայի, երազանքների իրականացման ու ապագա հաղթանակներ կերտելու հույս տվեց»:

Նախագահը ծանոթացել է նաև հիմնադրամի գործունեությանն ու ծրագրերին, շրջայց է կատարել հիմնադրամում գործող թանգարանում: Նախագահ Սարգսյանն ու հիմնադրամի տնօրենը քննարկել են ինչպես գործարար, այնպես էլ հումանիտար ոլորտներում փոխգործակցության ակտիվացման հեռանկարները, խոսել համատեղ ծրագրեր իրականացնելու ուղղությունների մասին: Նախագահ Սարգսյանը հիմնադրամի տնօրեն Ջունեցու Կոմացուին և Մասահիդե Շիբուսավային հրավիրել է այցելել Հայաստան:

Բաժիններ
Ուղիղ
Լրահոս
Որոնում