Ֆրանսիայի նախագահ Էմանուել Մակրոնը հինգշաբթի առավոտյան պաշտպանության խորհրդի արտահերթ նիստ կգումարի Pegasus ծրագրի միջոցով էլեկտրոնային լրտեսության գործի հետաքննության հետ կապված: Այս մասին France Inter ռադիոկայանի եթերում հայտարարել է Ֆրանսիայի կառավարության պաշտոնական ներկայացուցիչ Գաբրիել Աթալը։
Հուլիսի 18-ին Ֆրանսիայում բազավորված forbidden Stories ոչ կառավարական կազմակերպությունը և տարբեր պետությունների 17 ԶԼՄ-ներ հետաքննություն են հրապարակել, որում նշվում է, որ մի շարք երկրներ կարող էին լրտեսել աշխարհի առնվազն 50 հազար մարդու ՝ իսրայելական Pegasus էլեկտրոնային լրտեսության համակարգի օգնությամբ, որը մշակվել է NSO Group կորպորացիայի կողմից:
Երեքշաբթի Ֆրանսիայի կենտրոնական դատախազությունը հայտնել էր, որ երկիրը հետաքննություն է նախաձեռնել Pegasus համակարգի օգտագործմամբ իր լրագրողների բանակցությունների գաղտնալսման հայտնի դարձած փաստերի կապակցությամբ: Հետաքննությունն անցկացվում է մի շարք երկրների օրենքների խախտման կասկածանքով, որոնք օգտագործել են իսրայելական գաղտնալսման համակարգը:
Մասնավորապես, խոսքը վերաբերում է անձնական կյանքին միջամտելուն, նամակագրությունը որսալուն, հանցավոր խմբավորման ստեղծմանը։
Երեքշաբթի օրը Le Monde թերթը տեղեկացրել է՝ Մակրոնի հեռախոսներից մեկը եղել է Մարոկկոյի հատուկ ծառայությունների ցուցակում՝ Pegasus համակարգի միջոցով լրտեսում կազմակերպելու համար:
Ֆրանսիայի նախագահ Էմանուել Մակրոնը պատվիրել է հետաքննություններ անցկացնել իսրայելական Pegasus էլեկտրոնային լրտեսական համակարգի միջոցով գաղտնալսման դեպքի առթիվ: