Sunday, 25 07 2021
Սևանա լճում մարդ է կորել
Գեղարքունիքի սահմանին փոխհրաձգության հետևանքով ծանր վիրավորված ժամկետային զինծառայողը գիտակցության է եկել. նրա կյանքին վտանգ չի սպառնում
«Քոչարյանը գնալով նմանվում է անեկդոտների հայտնի հերոս Շպիոն Օնիկին»
Առեղծվածային դեպք Տավուշի մարզում
Երիտասարդների ուսերին հսկայական պատասխանատվություն է դրված, նրանք պետք է լուծեն Հայաստանի ապագայի խնդիրը
Ավտովթար Կոտայքի մարզում. բախվել են Mitsubishi-ն, Opel-ը և ՎԱԶ-2101-ը. Opel-ն էլ հայտնվել է վերջինիս վրա
«Հարցի գինը». Մոսկվայի համար հիմնարար նշանակության հարց. Երևանի համար կձևավորվի՞ նպաստավոր միջավայր
20:45
Perseverance սարքը կյանքի նշաններ է փնտրում Մարսի վրա
Բայդենի հայտարարությունից հետո Պուտինին հրավիրել որևէ երկիր խիստ վտանգավոր է, կարող է ԱՄՆ-ն տվյալ երկրի նկատմամբ էլ պատժամիջոցներ կիրառի
20:15
Տիբեթի սառցաշերտերում հայտնաբերվել են գիտությանն անհայտ վիրուսներ
20:00
Ստեղծվել է աշխարհի ամենաբարակ մագնիսը
19:45
«Ին-Ֆա» թայֆունը կաթվածահար է արել Չինաստանի ափամերձ շրջանները
19:30
Ֆրանսիայում ավելի քան 70 մարդ է բերման ենթարկվել COVID-19- ի պայքարի միջոցների դեմ բողոքի ցույցերին
19:15
Հասան Ռոհանին Իրանի խորհրդարանին մեղադրել է ամերիկյան պատժամիջոցների վերացումը դանդաղեցնելու մեջ
19:00
Ֆրանսիայի Սենատը հավանության է արժանացրել սանիտարական անցաթղթերի մասին օրինագիծը
Վրաստանում հայտնաբերվել է կորոնավիրուսի 2 061 նոր դեպք
18:30
Սպասվում է բարձր կարգի հրդեհավտանգ իրավիճակ
Արմեն Սարգսյանը հետևել է բռնցքամարտիկ Հովհաննես Բաչկովի մենամարտին և հաջողություններ մաղթել նրան
«Ռուաստանը յուրահատուկ պետություն է, այստեղ յուրահատուկ մեթոդներով պետք է աշխատել»
Արմեն Սարգսյանն արհեստական բանականության ոլորտում համագործակցության հարցեր է քննարկել ճապոնական YAMAHA ընկերության ներկայացուցիչների հետ
Կադրեր ընտրելիս առաջին հերթին արտախորհրդարանական ուժերից պետք է ընտրություն կատարի Նիկոլ Փաշինյանը
17:35
Աֆղանստանում 1 օրում ոչնչացվել է 175 թալիբ գրոհային
17:30
Տոկիո-2020․ Տպավորիչ հաղթանակով ենք մեկնարկում նաև բռնցքամարտում
17:15
Չինաստանի Հայնան նահանգում ջրհեղեղներից 63 մարդ է զոհվել
Ֆրանսիայի դեսպանը կարևոր հարցը իջեցնում է քաղաքական գետնի վրա
Թբիլիսիի մերձակայքում երկրաշարժ է եղել
Պուտինն ասել է, որ ՌԴ-ը կարող է հայտնաբերել ցանկացած հակառակորդի և, անհրաժեշտության դեպքում, հարված հասցնել
Ինչ է հայտնաբերվել Արմավիրում ուժեղացված հսկողության արդյունքում
Թուրքիայից հայտարարել են, որ երկրի զինված ուժերը Սիրիայում ոչնչացրել են յոթ ահաբեկիչների
15:45
Ֆրանսիայի նախագահը քննադատել է սանիտարական անցաթղթերի ներդրման դեմ ցույցերը

COVID-19. Քաղաքացիների գրանցման էլեկտրոնային համակարգը պատվաստումային մյուս շարժական կետերում ևս կգործարկվի

Հայաստանում COVID-19-ի դեմ պատվաստումային շարժական խմբերի մոտ հերթերը կարգավորելու համար արդեն մի քանի օր է գործարկվել է էլեկտրոնային գրանցումների համակարգ: Այն ունի քաղաքացիների գրանցման երեք պատուհան: Մեկը նախատեսված է ՀՀ քաղաքացիների, մյուսը կացության քարտ ունեցողների, մյուսը՝ ոչ ՀՀ քաղաքացիների` օտարերկրացիների համար: Առողջապահության ազգային ինստիտուտի աշխատակից, էլեկտրոնային գրանցումների համակարգի գործընթացը համակարգող Լուսինե Հովհաննիսյանը նշեց, որ համակարգն առաջնահերթություն է տալիս ՀՀ քաղաքացիներին, հետո կացության քարտ ունեցող անձանց, վերջում նոր օտարերկրյա քաղաքացիներին:

«Եթե ինչ-որ մի պահի ունենք գրանցված օտարերկրյա քաղաքացիներ, ու այդ ժամանակ մոտենում է ՀՀ քաղաքացին, ապա վերջինիս գրանցելու դեպքում, համակարգն առաջնահերթ կանչում է ՀՀ քաղաքացուն: Համակարգը հուլիսի 17-ից Հյուսիսային պողոտայի շարժական կետում լիարժեք գործում է, այս օրերին անխափան աշխատել է, որևէ խնդիր չի եղել»,-ասաց մասնագետը:

Օտարերկրացիներին գրանցելու համար նախ ստուգվում է նրանց՝ Հայաստանում 10 օր և ավելի լինելու հանգամանքը: Ըստ նոր փոփոխությունների՝ օտարերկրացին կարող է Հայաստանում պատվաստվել, եթե 10 օր և ավելի Հայաստանում է:

«Տեղում ստուգվում են Հայաստան մուտք գործելու տվյալները: Եթե տեսնում ենք, որ անձը 10 օր և ավելի Հայաստանում է, ապա նոր գրանցում ենք: Մեկ օր պակաս լինելու դեպքում չենք գրանցում: Ասեմ, որ համակարգն ունի «Պատվաստում» և «Խորհրդատվություն» բաժիններ: Այսինքն՝ խորհրդատվության համար էլ մարդիկ գրանցվում են, երբ հերթը հասնում է, նոր մոտենում են»,-հավելեց Լուսինե Հովհաննիսյանը:

Մասնագետը նշեց, որ Հյուսիսային պողոտայում գտնվող պատվաստումային շարժական կետում գործարկված էլեկտրոնային համակարգի արդյունավետությունը տեսնելով` պատասխանատուները մտադիր են այն գործարկել նաև Երևանի մյուս շարժական կետերում ևս: Անկախ նրանից օտարերկրացիների հոսք կլինի, թե ոչ, մասնագետները կարծում են, որ համակարգն արդյունավետ է, և ճիշտ կլինի այդ փորձը տարածել նաև մյուս շարժական կետերում:

Առողջապահության ազգային ինստիտուտի աշխատակից, պատվաստումային շարժական կետի աշխատանքները համակարգող թիմի անդամ Հայկ Միլիտոնյանը նշեց, որ համակարգի գործարկման արդյունքներն առաջին իսկ օրվանից տեսանելի են: Նախ դրանից առաջ եղած մեծաքանակ կուտակումները այժմ չկան, հետո էլ հերթերը կանոնակարգված առաջ են գնում:

«Չկան կուտակումներ, չկա աղմուկ, չկա խուճապ, ամեն ինչ կանոնակարգված է: Պատվաստվող անձը մոտենում է, վերցնում է կտրոնը սպասում իր հերթին: Այն հասնելուն պես պատվաստվում է: Դա հեշտացնում է պատվաստման ամբողջ գործընթացը՝ առաջին հերթին պատվաստվողների ու բժիշկների համար»,-ասաց Հայկ Միլիտոնյանը:

Երևանում գործող պատվաստումային շարժական կետերից ամենաակտիվը Հյուսիսային պողոտայում տեղակայվածն է, որովհետև զբոսաշրջիկներին հիմնականում այդ կետն է ծանոթ: Հայկ Միլիտոնյանը նշեց, որ մյուս կետերում նույնպես ակտիվ շարժ կա: Հատկապես, երևում է դա տեղացիների շրջանում, գալիս են թե առաջին դեղաչափ, թե երկրորդ դեղաչափ ստանալու:

ՀՀ առողջապահության նախարարության փոխանցած տվյալների համաձայն, Երևանում գործող 5 շարժական պատվաստումային կետերում օրվա կտրվածքով միջինը պատվաստվում է 150-200 անձ: Շարժական պատվաստումային կետեր գործում են նաև Վանաձորում, Կապանում, Գյումրիում:

Առողջապահության նախարարի 2021 թվականի ապրիլի 23-ի թիվ 1393-Լ հրամանում կատարվել են փոփոխություններ և լրացումներ։ Ըստ այդմ, ՀՀ-ում գտնվող օտարերկրյա քաղաքացիների և քաղաքացիություն չունեցող անձանց շրջանում կորոնավիրուսային հիվանդության (COVID-19) դեմ անվճար պատվաստումների քաղաքականությունը փոփոխվել է։ 2021 թվականի հուլիսի 15-ից նշված անձանց շրջանում պատվաստումներն իրականացվելու են միայն ՀՀ-ում վերջիններիս 10 օր և ավելի գտնվելու դեպքում՝ «Աստրա Զենեկա» պատվաստանյութով:

Բաժիններ
Ուղիղ
Լրահոս
Որոնում