Թուրքիայի նախագահին հյուրընկալած՝ Շվեյցարիայի համադաշնության նախագահ տիկին Դորիս Լոյտարդը խորհրդարանական իր ելույթի ժամանակ անդրադարձել է Հայաստան-Թուրքիա հարաբերությունների կարգավորման գործընթացին:
Ինչպես տեղեկացրել է Ermenihaber.am լրատվական կայքը, Լոյտարդը նշել է, որ իրենք շատ ուրախ են հայ-թուրքական մերձեցման գործընթացում ներդրում ունենալու համար, քանի որ դա, ըստ էության, ուղղված է եղել նաև տարածաշրջանային խաղաղության ու կայունության հաստատմանը: «Հայաստանի ու Թուրքիայի միջև վերջին տարիներին մեծ խիզախությամբ կյանքի կոչված երկխոսության և համագործակցության ճանապարհին հարկավոր չէ հետ կանգնել ոչ մի ջանքից ու աշխատանքից: Մենք ցանկանում ենք, որ երկու երկրների միջև կարգավորման գործընթացը շարունակվի»,- ասել է նախագահ Լոյտարդը: