Թեհրանը մտադիր է Իրանի հարեւան երկրների քաղաքացիների համար հանել վիզային ռեժիմը։ Այս մասին, Press TV–ի փոխանցմամբ, հայտնել է Իրանի արտգործնախարար Մանուչեհր Մոթաքին։ Արտգործնախարարի խոսքով, այս քայլով Իրանը մտադիր է ակտիվացնել հարևան երկրների հետ կապերն ու համագործակցությունը։ Նա հայտարարել է, որ Ադրբեջանի քաղաքացիների համար վիզային ռեժիմն արդեն հանված է։ Իրանը մոտ ապագայում ակնկալում է Բաքվի պատասխան քայլը։
Ենթադրվում է, որ շուտով Իրանի քաղաքացիները կկարողանանա առանց վիզային ռեժիմի մուտք գործել 43 երկիր։
Հիշեցնենք, որ Հայաստանի ԱԳ նախարար Էդվարդ Նալբանդյանը Իրան կատարած այցելության ժամանակ հայտարարել էր, որ երկու երկրների հյուպատոսական ծառայությունների միջեւ նախատեսվում է սկսել խորհրդատվություններ, որոնց ընթացքում կքննարկվի նաեւ վիզային ռեժիմի հարցը։
