Հիպերձայնային հրթիռների զարգացումը Ռուսաստանում, ի թիվս այլ բաների, նպատակ ունի արձագանքելու ԱՄՆ-ի և ՆԱՏՕ-ի կողմից ռազմավարական կայունության ոլորտում ստեղծված ռիսկերին և ապահովելու անվտանգություն՝ հաշվի առնելով հակահրթիռային պաշտպանության տեղակայումը Ռումինիայի տարածքում և Ռուսաստանի Դաշնության սահմաններին մոտ գտնվող այլ երկրներում: Այս մասին երեքշաբթի լրագրողներին հայտնել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով ԱՄՆ-ի պաշտպանության նախարարության հայտարարությունները Ռուսաստանի մշակումների վերաբերյալ, և արդյո՞ք դա սպառազինությունների ոլորտում հավասարության համար ռիսկեր է պարունակում:
«Եթե հիշում եք, Ռուսաստանի Դաշնության նախագահ Վլադիմիր Պուտինը բազմիցս ասել է, որ, ցավոք, անցած տասնամյակների ընթացքում և նույնիսկ ավելի երկար ժամանակահատվածում մենք բախվել ենք ռազմավարական անվտանգության ամբողջ փաստաթղթային համակարգի փուլային քայքայմանը: Բացի դրանից՝ բախվել ենք Միացյալ Նահանգների և ՆԱՏՕ-ի կողմից որոշակի քայլերի, որոնք, փաստորեն, վնասել են առկա հավասարությունը. սա հակահրթիռային պաշտպանության դիրքային շրջանների ստեղծումն է, Ռումինիայում և այլ երկրներում հակահրթիռների արձակման համակարգերի տեղադրումն է Ռումինիայում և մեր սահմաններին անմիջապես մոտ գտնվող այլ երկրներում: Սրանք այն կայանքներն են, որոնք ունակ են հարձակողական հրթիռներ արձակելու միջոց լինել:
Այսինքն՝ այս ամենը պատրաստվում էր կոտրել գոյություն ունեցող հավասարությունը: Սա պահանջում էր միջոցներ, որոնք ունակ կլինեին ապահովել Ռուսաստանը և որոնք կերաշխավորեին գոյություն ունեցող հավասարության շարունակությունը: Եվ դա արվեց»,- ասել է Պեսկովը:
Մեկնաբանելով այն հարցը, թե արդյո՞ք դա պատասխան է Ռուսաստանի սահմանների մոտ ամերիկյան հակահրթիռային պաշտպանության համակարգերի տեղակայմանը, Պեսկովն ասել է. «Իհարկե, նաև»:
