2021 թվականի հուլիսի 20-ին վերաբացվել է «Արցախբանկ» ՓԲԸ Խորենացի մասնաճյուղը նոր հասցեով, որը կգործի ք.Երևան, Խորենացի փող. 7 շենք, 1 տարածքում՝ ՀՀ Պետական եկամուտների կոմիտեի անմիջական հարևանությամբ:
Խորենացի մասնաճյուղը համապատասխանեցված է սպասարկման ժամանակակից ստանդարտների պահանջներին, ստեղծված են բոլոր հնարավորությունները հաճախորդներին որակյալ բանկային ծառայություններ մատուցելու համար:
Վերաբացված կենտրոնի փորձառու թիմը, ընդհարձակ ու հարմարավետ կահավորված սրահները կապահովեն ֆիզիկական և իրավաբանական անձանց պատշաճ սպասարկումը: Հաճախորդներին հասանելի կլինի Բանկի կողմից մատուցվող ծառայությունների ամբողջական փաթեթը, մասնավորապես բանկային հաշիվների բացում և վարում, ավանդների ներգրավում, բիզնես և սպառողական վարկերի տրամադրում, վճարային քարտերի թողարկում և սպասարկում, դրամական փոխանցումների և վճարահաշվարկային այլ ծառայությունների մատուցում:
Բանկի պրեմիում հաճախորդներին կգոհացնեն առանձնացված նորաոճ սրահները՝ հարմարեցված արագ և բարձրակարգ սպասարկման համար: Մասնաճյուղում ներդրված է հերթերի կառավարման համակարգ, բոլոր սրահները ապահովված են գերարագ Wi-Fi-ով:
Որպես Բանկի խոշոր սպասարկման կենտրոն, մասնաճյուղը ակտիվ քայլեր կձեռնարկի նաև հաճախորդներին ֆինանսական խորհրդատվություն մատուցելու ուղղությամբ: Այն վստահաբար կնպաստի քաղաքացիների համար արդյունավետ լուծումների ընտրությանը Բանկի միջոցով: Առաջիկայում մասնաճյուղը հանդես կգա նոր առաջարկներով՝ մշակված առանձին թիրախային խմբերի համար:
Խորենացի մասնաճյուղը բաց է հաճախորդների համար երկուշաբթիից-ուրբաթ՝ 09:30 – 17:00:
Արցախբանկը շարունակում է ընդլայնել իր մասնաճյուղային ցանցը` հավատարիմ մնալով հաճախորդների կարիքներին համապատասխան գործելու և իր ծառայություններն էլ ավելի հասանելի դարձնելու ռազմավարությանը:
