Հայաստանի և Ադրբեջանի միջև էսկալացիան ձեռնտու է Ռուսաստանին և Հայաստանի քրեական տարրերին. ձեռնտու է նաև Թուրքիային, բայց սա Ռուսաստանն է սարքել: Այս մասին «Առաջին լրատվական»-ի հետ զրույցում նշեց Քրիստոնեա-Ժողովրդավարական կուսակցության նախագահ,. Քաղաքագետ Լևոն Շիրինյանը
«Ալիևը Անկարա է գնում, թե՞ Մոսկվա: Սա անմիջական կապ ունի Ալիևի Մոսկվա այցելության հետ: Այստեղ կարևոր է Արևմուտքի դիրքորոշումը, եթե Արևմուտքից վախեցան, կդադարեցնեն սադրանքները, եթե ոչ, կշարունակվի»,-ասաց նա::
Հարցին, թե Արևմուտքից վախենալու բան ունե՞ն, Շիրինյանը պատասխանեց. «Այո և շատ: Պատժամիջոցների տակ Ռուսաստանը մեռնում է: Ռուսաստանի հաջողությունը Հայաստանում 5-րդ շարասյունն է և ԿԳԲ-ականների ենթադրյալ բանակը: Իսկ մեր ժողովուրդը վերցրեց ինչքան ԿԳԲ-շնիկ կա, ուղարկեց խորհրդարան»:
Շիրինյանի խոսքով, հայկական Զինված ուժերի կողմից հասցված վնասները պետք է համարժեք լինեն. «Այն որ պարտվել ենք, պետք է մոռանանք, երկրորդ՝ Հայաստանի բանակն ու դիվանագիտությունը բոլոր հարթակներում պետք է սպառնալիք լինեն Ադրբեջանի համար, իսկ մենք ԱԳ նախարար չունենք այսօր: Երրորդ, Ալիևի տեսակետները տարածող լրատվամիջոցները պետք է զսպվեն»։
Նա ընդգծեց, որ հակառակորդը սադրանքների է դիմում Երասխում, որովհետև դա ամենացավոտ կետն է, ճանապարհն այդտեղով է գնում, ճանապարհային հանգույց է:
Քաղաքագետը վստահություն հայտնեց, որ այս իրավիճակը առայժմ ռազմական գործողությունների չի վերածվի. «Բայց հանգիստ չենք ունենալու, այս լարվածությունը շարունակվելու է, խաղաղություն ու կայունություն չի լինելու: Մյուս կողմից ամեն պահի իրադրությունը կարող է կտրուկ փոխվել: Հիմա աշխարհն ինքը ցնցումների մեջ է և կանխատեսում անել հնարավոր չէ: Դրա համար Հայաստանի զինված ուժերը բոլոր հնարավոր միջոցներով պետք է մոբիլիզացնել և պատրաստ վիճակի բերել: Պետք է միշտ պատրաստ լինել ամենավատին՝ անկախ նրանից՝ դա կլինի, թե ոչ:
Կառավարությունն էլ արագ պետք է ձևավորվի: Ռևանշիստները ՍԴ-ում էդ խեղկատակ դատավարությունը սարքեցին, որ Հայաստանը կառավարություն չունենա: Հայաստանն այսօր ԱԳՆ չունի, ինչքան ռուսահպատակ կա, հրաժարական տվեցին, ինչպես ժամանակին Գլխավոր շտաբում, որոնք իշխանափոխություն էին պահանջում»,-ընդգծեց Լևոն Շիրինյանը:
