Մոսկվայի առողջապահության դեպարտամենտի գլխավոր մանկաբույժ Իսմայիլ Օսմանովը РИА Новости- ին ասել է, թե ինչ նշաններ կարող են վկայել նորածնի ջերմային հարվածի մասին:
«Եթե արևի տակ գտնվելուց հետո նկատեք, որ ձեր երեխան ունի ջերմություն, մաշկի կարմրություն՝ հատկապես դեմքի, թուլություն, ախորժակի կորուստ, առատ քրտնարտադրություն, փսխում, հազվադեպ և քիչ սակավ միզարտադրություն, քթի արյունահոսություն, հաճախակի մակերեսային շնչառություն, փորլուծություն, մեծ հավանականություն կա, որ երեխան ջերմային հարված է ստացել: Որոշ ծանր դեպքերում երեխաները կարող են նոպաներ ունենալ», – ասել է նա:
Ըստ նրա՝ քանի որ թվարկված ախտանշաններից ոչ մեկը հատուկ չէ ջերմային վածին և կարող է ուղեկցել սուր վարակիչ հիվանդությանը, եթե նշված ցուցակներից որևէ մեկը հայտնվի, դուք պետք է անհապաղ դիմեք մանկաբույժին: Նոպաների և գիտակցության կորստի առկայության դեպքում անհրաժեշտ է շտապ հոսպիտալացում:
«Առաջին հերթին պետք է երեխային տեղավորել զով տեղում, բայց ոչ միջանցիկ քամու պայմաններում: Նրա գլխին կտորով փաթաթված սառույց դնել կամ երեխայի վրա փաթաթել թաց սրբիչ կամ կտոր, ջուրը պետք է լինի սենյակային ջերմաստիճանի: Խմելու համար տվեք զով, բայց ոչ սառը ջուր: Հիշեք նաև, որ անհրաժեշտ է երեխաների հեղուկի կորուստն աստիճանաբար լրացնել: Ավելի լավ է ջուր առաջարկել յուրաքանչյուր 10-15 րոպեն մեկ: Արժե սահմանափակել ճարպային և սպիտակուցային սնունդը. շոգ եղանակին ախորժակի մի փոքր նվազումը բնական է, երեխային ստիպողաբար մի կերակրեք», – ասել է բժիշկը:
