Էնդոկրինոլոգ և սննդաբան Տատյանա Բոչարովան РИА Новости- ին ասել է, թե որ հիվանդությունների դեպքում չի կարելի թթու կանաչ խնձոր ուտել:
Մասնագետի խոսքով ՝ նախ այդպիսի խնձորներ չպետք է ուտեն պանկրեատիտով կամ լեղուղիների դիսկինեզիայով տառապող մարդիկ, հատկապես՝ սրացման փուլում:
«Այս ախտորոշմամբ ավելի լավ է ընտրել քաղցր տեսակներ, հեռացնել կճեպը կամ թխել: Գաստրիտի կամ խոցային հիվանդության ախտորոշման դեպքում չի կարելի օրական մեկից ավելի կանաչ խնձոր ուտել: Ավելի լավ է, եթե այն ուտեք հիմնական կերակուրից մեկ ժամ անց և ոչ թե դատարկ ստամոքսին»,- ասել է Տատյանա Բոչարովան:
Ըստ բժշկի՝ թթու խնձորը կարող է վնասել ատամի էմալը. հետևաբար, կանաչ խնձոր ուտելուց հետո պետք է ջրով ողողել բերանը:
«Առողջ մարդու համար ավելի լավ է օրական ուտել ոչ ավելի, քան երկու կանաչ խնձոր, հակառակ դեպքում, թթուն կարող է գրգռել լորձաթաղանթը, և, որպես կողմնակի ազդեցություն՝ մեծացնել ախորժակը», – ավելացրել է էնդոկրինոլոգը:
