Չինաստանից Եվրամիության երկրների վրա կիբերհարձակումները վտանգի է ենթարկել հազարավոր համակարգիչներ ամբողջ աշխարհում, այդ թվում ՝ ԵՄ հաստատություններում: Այս մասին ասվում է Եվրոպական միության արտաքին գործերի և անվտանգության քաղաքականության հարցերով Բարձր ներկայացուցիչ Ժոզեֆ Բորելի հայտարարության մեջ:
Եվրամիության միջազգային դիվանագիտության ղեկավարը պարզաբանել է, որ Microsoft Exchange սերվերի խոցելիության օգտագործմամբ հակերությունը «հանգեցրել է անվտանգության ռիսկերի և զգալի տնտեսական կորուստների պետական մարմինների և մասնավոր ընկերությունների համար»:
Նրա խոսքերով՝ ՉԺՀ տարածքից կիբերհարձակումը իրականացրել են Advanced Persistent Threat 40 և Advanced Persistent Threat 31 խմբերը: Հարձակումների նպատակը՝ լրտեսությունն ու մտավոր սեփականության գողությունն է:
Եվրամիության անունից Բորելը կոչ է արել Չինաստանի իշխանություններին պահպանել «ՄԱԿ-ի անդամ բոլոր երկրների կողմից հաստատված «պետական վարքի պատասխանատվության» նորմերը և անհրաժեշտ քայլեր ձեռնարկել կիբերհանցագործությունների հետևանքները հետաքննելու և վերացնելու ուղղությամբ:
