Մի շարք իտալական հրատարակություններում, ներառյալ՝ la Repubblica- ն և Corriere della Sera- ում կիրակի լույս է տեսել Հռոմի պապի հարցազրույցը: Ֆրանցիսկոս պապը պատմել է, որ իր ծնողները`իտալացի ներգաղթյալները, իրեն ծանոթացրել են իտալական կինոյի, ինչպես նաև՝ օպերային:
«Ծնողներս ինձ սովորեցրել են գնահատել արվեստը»,-նշել է Ֆրանցիսկոս պապը: Նա սիրում է իտալացի նեոռեալիստ կինոգործիչների ֆիլմերը, քանի որ նրանք պատմում էին Երկրորդ Համաշխարհային պատերազմի ողբերգության մասին, ինչպես նաև սովորեցնում էին «տեսնել ոչ միայն պատմությունը, այլև՝ մարդկանց սրտերը»:
Կինեմատոգրաֆիայում նա առանձնացնում է նեոռեալիստների աշխատանքը:
«Երբ ես 10-12 տարեկան էի դիտում էի Աննա Մանիանիի մասնակցությամբ բոլոր ֆիլմերը: Այդ ֆիլմերը ձևավորեցին մեր հոգին, սովորեցրին իրականությանը նայել տարբեր աչքերով: Արգենտինայի երեխաներիս համար այս ֆիլմերը կարևոր էին, քանի որ օգնում էին հասկանալ պատերազմի ողբերգությունը:
Բուենոս Այրեսում մենք նրա մասին գիտեինք միայն միգրանտներից՝ Իտալիայից, Լեհաստանից, Գերմանիայից», -ասել է հովվապետը: «Նեոռեալիստների հայացքները արթնացնում են խիղճը»,- ասել է նա:
Նա նշել է Վիտտորիո Դե Սիկային, ինչպես նաև Ֆեդերիկո Ֆելլինին և նրա La strada- ն (1954), որը նա «ամենից շատ է սիրում »: «Այս կինոնկարը ինձ շատ հարազատ է: Ֆելլինին գիտեր, թե ինչպես կարելի է լույս տալ անապահովներին», – ասել է Հռոմի կաթոլիկ եկեղեցու ղեկավարը: