Գերմանիայի և ԱՄՆ-ի գիտնականները առաջարկել են վիրուսների դեմ պայքարի նոր մոտեցում: Նրանք գենետիկ նյութի հիման վրա ստեղծել են նանոթակարդներ, որոնք բռնում և կլանում են վիրուսները: Հեղինակները կարծում են, որ իրենց մշակած մեթոդը կաշխատի նաև նոր SARS-CoV-2 կորոնավիրուսի դեմ: Հետազոտության արդյունքները հրապարակված են Nature Materials ամսագրում:
Այսօր առավել վտանգավոր վիրուսների համար չկան արդյունավետ հակավիրուսային դեղամիջոցներ: Մյունխենի տեխնիկական համալսարանի, Մյունխենի Հելմհոլց կենտրոնի և Միացյալ Նահանգների Բրենդեյսի համալսարանի հետազոտողները սուր վիրուսային վարակների բուժման նոր ռազմավարություն են առաջարկել: Հեղինակները մշակել են ԴՆԹ-ից բաղկացած նանոկառուցվածքներ, որոնք կարող են մեխանիկական ճանապարհով որսալ և չեզոքացնել վիրուսները:
Հետազոտողները ենթադրում են, որ եթե այդպիսի նանոմարմինները ներսից ծածկվեն վիրուսը կապող մոլեկուլներով, ապա դրանք կարող են օգտագործվել որպես վիրուսային թակարդներ:
«Օգտագործելով եռանկյուն թիթեղների ճշգրիտ ձևը, այժմ մենք կարող ենք ծրագրավորել ցանկալի առարկաների ձևն ու չափը և արտադրել մինչև 180 ենթամիավոր պարունակող առարկաներ: Այնուամենայնիվ, դրան հասնելու ճանապարհը բավականին բարդ էր ՝ բազմաթիվ կրկնություններով», – ասում են գիտնականները:
Նոր մեթոդն արդեն փորձարկվել է TUM վիրուսաբանության ինստիտուտում և Մյունխենի Հելմհոլց կենտրոնում՝ հեպատիտ B- ի և ադենովիրուսի դեմ: Արդյունքները ցույց են տվել, որ բջիջներում վիրուսները հուսալիորեն արգելափակված են:
«Արձանագրվում է վիրուսի ակտիվության նկատելի նվազում», – նշում է գիտնականը։
Ուսումնասիրության հաջորդ փուլերում հեղինակները նախատեսում են ստուգել իրենց մշակումը նախ մկների, ապա՝ մարդկանց վրա:
