ՍԴ որոշումն իրավական էր, բայց քաղաքական ազդեցության տակ ընդունված: Այս մասին լրագրողների հետ զրույցում ասաց «Պատիվ ունեմ» դաշինքի ներկայացուցիչ Դավիթ Հարությունյանը:
Ինչպես արդեն տեղեկացրել ենք՝ ՍԴ-ն մերժել է արտահերթ խորհրդարանական ընտրություններն անվավեր ճանաչելու մասին քաղաքական ուժերի դիմումները:
«Պատիվ ունեմ» դաշինքի ներկայացուցիչ Դավիթ Հարությունյանը նշեց, որ իր համար որոշումը սպասելի էր, ակնհայտ էր, թե ինչպես են ընթանում գործընթացները
Հարցին ի պատասխան, թե արդյոք որոշումը քաղաքական էր, Հարությունյանը նշեց, որ որոշումն իրավական էր, բայց քաղաքական ազդեցության տակ ընդունված: