Թուրքական այն հյուրանոցները, որոնք կորոնավիրուսի համաճարակի պայմաններում փորձ կանեն զբոսաշրջիկներին սնունդ ապահովել «շվեդական սեղաններ»-ի տարբերակով կտուգանվեն կամ ընդհուպ կփակվեն: Այս մասին РИА Новости-ին տված հարցազրույցում ասել է Թուրքիայի հյուրանոցային բիզնեսիֆեդերացիայի ղեկավար Սուրուրի Չորաբատիրը:
«Անվտանգ զբոսաշրջային բիզնեսի սերտիֆիկացման մեջ փոփոխություններ չկան: Եթե Թուրքիայի մշակույթի և զբոսաշրջության նախարարությունը ստուգումների ընթացքում հյուրանոցներում խախտումներ է հայտնաբերում, ապա դա ենթակա է տուգանքի: Եվ եթե հյուրանոցային ընկերությունը շարունակում է համառել ու չենթարկվել հաստատված նորմերին հետևելու, ապա այն կարող է փակվել»,-ասել է նա:
Ըստ Սուրուրի Չորաբատիրի, մի քանի հյուրանոցներ, որոնք այդպիսի խախտումներ են թույլ տվել, տուգանվել են, իսկ հետո փակվել: Ավելի վաղ ՝ հուլիսի 14-ին, Ռուսաստանի Դաշնության տուրօպերատորների ասոցիացիայի (ATOR) գործադիր տնօրեն Մայա Լոմիձեն ասել էր, որ չնայած Թուրքիայում «Դելտա» շտամի տարածմանը, ռուս զբոսաշրջիկները չեն հրաժարվում այս երկիր շրջագայություններից։
Նախորդ օրը Թուրքիայի առողջապահության նախարար Ֆահրեթթին Քոջանը հայտնել էր, որ վերջին շաբաթվա ընթացքում Թուրքիայում «Դելտա» շտամով վարակվածության դեպքերի թիվը գրեթե եռապատկվել է:
Հուլիսի 5-ին հաղորդվեց, որ կորոնավիրուսի դեմ պայքարի օպերատիվ շտաբը թույլ է տվել ռուսական ավիաընկերություններին չվերթները բացել դեպի Թուրքիա Ռուսաստանի Դաշնության ևս 13 քաղաքներից:
