Թուրքիայի իշխանությունները թմրանյութերի մաքսանենգության կասկածանքով կալանել են ուկրաինական անձնակազմով նավը: Կապիտանն ու նրա երեք օգնականները ձերբակալված են: Այդ մասին հինգշաբթի՝ հուլիսի 15-ին, ասել է արտաքին գործերի նախարար Օլեգ Նիկոլենկոն, հաղորդում է «Ուկրինֆորմ»-ը:
Նրա խոսքով՝ հուլիսի 10-ին Թուրքիայի իրավապահները Իսքենդերուն նավահանգստում Լիբերիայի դրոշի տակ բերման են ենթարկել MSC CAPUCINE R նավը: Անձնակազմը բաղկացած է 24 ուկրաինացիներից և մեկ օտարերկրացուց:
«Հաջորդ օրը Իսկենդերուն քաղաքի դատախազությունը ձերբակալել է նավի կապիտանին և նրա երեք օգնականներին: Բոլորն Ուկրաինայի քաղաքացիներ են: Նրանց մեղադրանք է առաջադրվել թմրանյութերի մաքսանենգության համար»,- ասել է Նիկոլենկոն:
Թուրքիայում Ուկրաինայի դեսպանատունը հյուպատոսական օգնություն է ցուցաբերում ձերբակալվածներին. մեր քաղաքացիներին տրամադրվում է փաստաբան և թարգմանիչ, հյուպատոսները կապ են պահպանում մրանց հարազատների հետ: Բացի այդ, ուկրաինական դիվանագիտական գործակալությունը դիմել է թուրքական կողմին՝ հետաքննության նյութերին հասանելիություն ստանալու ու ուկրաինացի նավաստիներին այցելելու խնդրանքով:
Հայտնի է, որ անձնակազմի մնացած անդամները ներկայումս գտնվում են նավի վրա: Նրանք որպես վկաներ մասնակցում են հետաքննությանը: