Չինաստանի տնտեսությունում փաստորեն օգտագործված ուղղակի օտարերկրյա ներդրումների ծավալն ընթացիկ տարվա առաջին կիսամյակում կազմել Է 90,96 միլիարդ դոլար, ինչը 33,9 տոկոսով ավելի Է տարեկան հաշվարկով: Հուլիսի 14-ին այդ մասին հայտնել Է ՉԺՀ-ի առեւտրի նախարարությունը:
Ինչպես նշված Է գերատեսչության պաշտոնական կաքում, յուանի համարժեքով փաստորեն օգտագործված օտարերկրյա ուղղակի ներդրումների ծավալն առաջին կիսամյակում աճել Է 28,7 տոկոսով եւ կազմել 607,84 միլիարդ յուան: Ճյուղի տեսակետից օտարերկրյա կապիտալի ամենամեծ ծավալը ներգրավել Է սպասարկումների ոլորտը՝ 482,77 միլիարդ յուան (շուրջ 74,61 միլիարդ դոլար), ինչը 33,4 տոկոսով ավելի Է տարեկան հաշվարկով: Օտարերկրյա ներդրումների զգալի աճ Է նաեւ նշվել բարձր տեխնոլոգիաների ճյուղում՝ 39,4 տոկոսով: Մասնավորապես, բարձրտեխնոլոգիական ծառայությունների բնագավառում արտասահմանից ներգրավված ներդրումների ծավալն աճել Է 42,7 տոկոսով, բարձրտեխնոլոգիական մշակող արդյունաբերության ոլորտում՝ 29,2 տոկոսով:
Փաստաթղթում ասված Է, որ անցած շրջանում ՉԺՀ-ում «Մեկ գոտի – մեկ ուղի» նախաձեռնության անդամ երկրներից ուղղակի օտարերկրյա ներդրումների ծավալն աճել Է 49,6 տոկոսով, Հարավ -արեւելյան Ասիայի պետությունների ասոցիացիայից՝ 50,7 տոկոսով, Եվրամիության երկրներից՝ 10,3 տոկոսով: 2020 թվականի արդյունքներով Չինաստանը ներգրավել Է 144,37 միլիարդ դոլար գումարի ուղղակի օտարեկրյա ներդրումներ, ինչը 4,5 տոկոսով ավելի Է 2019 թվականի համեմատությամբ: Յուանի համարժեքով անցյալ տարի Չինաստանում ներդրումներն ավելացել են 6,2 տոկոսով՝ կազմելով 999,98 միլիարդ յուան, հաղորդել Է ՏԱՍՍ-ը:
