Պատերազմի շարունակությունը թշնամու համար պետք է ավարտվեր Սյունիքի գրավմամբ: Այս մասին «Առաջին լրատվական»-ի հետ զրույցում նշեց ազտամարտիկ, ՔՊ ցուցակով պատգամավոր ընտրված Գագիկ Մելքոնյանը, անդրադառնալով այսօր հայ-ադրբեջանական սահմանում տեղի ունեցած միջադեպին:
Մեքոնյանի խոսքով՝ հակառակորդը նպատակ ունի մեզ ներքաշել պատերազմի մեջ․ «Ադրբեջանը եռակողմ պայմանագիրը խախտում է: Ադրբեջանը փորձում է միջանցքի խնդիրը լուծել, դիմելու են տարբեր սադրանքների: Մինչև հակառակորդը մեր սահմաններից դուրս չգա, մենք պայմանագրի պարտականությունները չենք կատարելու»:
Անդրադառնալով հայ գերիների հարցին, Մելքոնյանը նկատեց, որ Ադրբեջանը գերիների հարցով Հայաստանին էլ է գերի պահում:
Մելքոնյանը կարծում է, որ մեզ ժամանակ է պետք․ «Պաշտպանության նախարարությունում կլինեն կադրային փոփոխություններ»:
