«Հրաժարական տվեք Իրակլի Ղարիբաշվիլիին: Պատժել բոլոր բռնարարք կատարողներին»: Այս պահանջով վրացական չորս հեռուստաընկերություններ 24 ժամով դադարեցրել են հեռարձակումը:
Առավոտից «TV Pirveli»-ի, «Mtavari Arkhi»-ի, «Formula»-ի և «Kavkasia»-ի էկրաններին սև ֆոն է, որի վրա բռնության զոհ դարձած 53 լրագրողների, օպերատորների ցուցակ է, ովքեր տուժել էին վերջին իրադարձությունների ժամանակ:
Նրանցից մեկը ՝ TV Pirveli- ի օպերատոր Լեկսո Լաշկարավան, մահացել է տանը՝ անկարգությունների ընթացքում ԼԳԲՏ հակառակորդների կողմից դաժան ծեծի ենթարկվելուց վեց օր անց: Նա ստացել է դեմքի ոսկրերի կոտրվածքներ և ցնցում, վիրահատվել է և մի քանի օր անցկացրել հիվանդանոցում:
Օպերատորի մահը հասարակական դժգոհության պատճառ է դարձել՝ արտահայտվելով հանրապետության մեծ քաղաքներում բողոքի ակցիաներով՝ Վրաստանի վարչապետի և ամբողջ նախարարների կաբինետի հրաժարականի պահանջով: