Իր հարևանների հետ հարաբերություններում Ռուսաստանը փնտրում է փոխզիջումային, բոլորի համար ընդունելի լուծումներ, հայտարարել է ՌԴ նախագահ Վլադիմիր Պուտինը:
Ուկրաինայի վերաբերյալ իր նյութի հրապարակման հաջորդ օրը Ռուսաստանի Դաշնության նախագահը լայն մեկնաբանություններ է տվել այն գրելու իմաստի և նպատակների վերաբերյալ:
«Մենք փնտրում ենք փոխզիջման ուղիներ, որոնք կհանգեցնեն մեր գործընկերներին բավարարող վիճակի: Սա բարդ համաձայնեցման գործընթաց է, բայց մենք համբերությամբ ենք լցվում և փնտրում ենք բոլորի համար ընդունելի այդ լուծումները»,- ասել է նա «Ռոսիա 24» հեռուստաալիքի եթերում:
«Միշտ միջազգային ասպարեզում, նույնիսկ մերձավոր երկրների միջև, հարևանների շրջանում, դա միշտ էլ փոխզիջման արդյունք է՝ հարաբերությունների որոշակի պատկեր կառուցելով: Ոչ ոք չի կարող, մենք այդպիսի նպատակներ չունենք, որ մեկին պարտադրենք գործողությունների որոշակի ընթացք, մենք փոխզիջումներ ենք փնտրում»,- ասել է նախագահը:
Նրա խոսքերով՝ Ռուսաստանի Դաշնության համար կարևոր է ոչ թե այն, թե ինչպես են հարևան պետությունները՝ ներառյալ Ուկրաինան, կառուցելու իրենց արտաքին քաղաքական կյանքը, այլ որ Ռուսաստանին սպառնացող վտանգներ չլինեն:
«Մեզ համար կարևոր է, որ խնդիրներ չստեղծվեն մեզ համար, սպառնալիքներ չստեղծվեն: Եվ մենք տեսնում ենք, որ սկսվում է այս տարածքի (Ուկրաինայի) ռազմական յուրացումը, ահա թե ինչն է մեզ անհանգստացնում»,- հայտարարել է Պուտինը:
Նշենք, որ երկուշաբթի Կրեմլի կայքում հրապարակվել է Ռուսաստանի Դաշնության նախագահի հոդվածը՝ «Ռուսների ու ուկրաինացիների պատմական միասնության մասին»:
Պուտինն ասել է, որ ինքը համոզված է ռուս և ուկրաինացի ժողովուրդների միասնության մեջ և հարգում է ուկրաինական լեզուն և ավանդույթները: Նա նշել է, որ անհնար է բաժանել ընդհանուր մշակութային ժառանգությունը, իսկ Ռուսաստանի և Ուկրաինայի միջև առաջացած պատը մեծ ընդհանուր դժբախտություն և ողբերգություն է: Նրա կարծիքով՝ 2014-ին Արևմուտքն ուղղակիորեն միջամտել է Ուկրաինայի գործերին, արմատական ազգայնականների ագրեսիվ ռուսաֆոբիան սկսել է որոշել երկրում պետական քաղաքականությունը: Մեկնաբանելով «ագրեսոր երկրի» մասին խոսքերը՝ Պուտինը հիշեցրել է, որ Ռուսաստանը Ուկրաինայի երեք հիմնական առևտրային գործընկերներից մեկն է, հարյուր հազարավոր ուկրաինացիներ գալիս են Ռուսաստան՝ աշխատելու: Ռուսաստանի նախագահը կարծում է, որ Ուկրաինայի իրական ինքնիշխանությունը հնարավոր է հենց Ռուսաստանի Դաշնության հետ գործընկերության պայմաններում:
