Անցած երկու-երեք օրվա ընթացքում մենք ստիպված էինք կենտրոնացնել լրացուցիչ մանկաբուժական մահճակալներ, որը վկայում է երեխաների շրջանում վարակի բարձր մակարդակի մասին,- այս մասին հայտարարել է առողջապահության փոխնախարար Թամար Գաբունիան: Հաղորդում է 1tv.ge-ն։
Նրա խոսքերով՝ վերջին երկու շաբաթվա ընթացքում երկրում ակտիվացել են կորոնավիրուսի դեպքերը:
«Համավարակի ներկա իրավիճակը շատ լուրջ է, ինչը նորից ու նորից հատուկ ռիսկեր է առաջացնում բնակչության առողջության և ընդհանուր առմամբ հասարակության սոցիալական, ինչպես նաև ցանկացած այլ գործընթացների տեսանկյունից: Դեպքերի թիվն արդեն գերազանցել է 1800-ը, սա ինչ-որ չափով ընդհանուր ցուցանիշ է։ Վերջին երկու-երեք օրվա ընթացքում մենք ստիպված էինք լրացուցիչ մանկաբուժական մահճակալներ կենտրոնացնել, որը մատնանշում է երեխաների մոտ վարակի բարձր մակարդակի մասին: Թբիլիսիում կենտրոնացված մինչև 200 մանկական մահճակալ, որոնք գործնականում բեռնաթափվել են համավարակի երկրորդ կամ երրորդ ալիքի ժամանակ, արդեն ծանրաբեռնված են, և մենք ստիպված ենք եղել լրացուցիչ մահճակալներ կենտրոնացնել: Ինչը նշանակում է, որ վարակի տարածման առումով ռիսկերը մեծանում են: Այս դեպքում կրկին և կրկին հիմնական լուծումը պատվաստումների ծրագիրն է»,- ասել է Թամար Գաբունիան:
