Կորոնավիրուսի հետ կապված միջոցների խստացումը, որոնք նման են Ֆրանսիայում ներդրվածներին, կարող են այլընտրանք չունենալ, աշխարհում համավարակի հետ կապված իրավիճակի զարգացումը հանգեցնում է այդպիսի որոշումներ, ասել է Ռուսաստանի Դաշնության նախագահի մամուլի քարտուղար Դմիտրի Պեսկովը:
Ինչպես հայտնել ենք, Ֆրանսիան պարտադիր պատվաստում է սահմանել բժշկական անձնակազմի և մի շարք այլ կատեգորիաների աշխատողների համար: Այս մասին երկուշաբթի հայտարարել է երկրի նախագահ Էմանուել Մակրոնը՝ հանդես գալով հեռուստաուղերձով։
Ֆրանսիային համարժեք պատվաստումների վերաբերյալ որոշումները չեն կայացվել դաշնային մակարդակում, բայց այդպիսի միջոցառումների իրականացումը սկսվել է տարածաշրջանային մակարդակով, – ասել է Պեսկովը:
«Մինչ այժմ որևէ որոշում չի կայացվել դրա հետ կապված: Դուք ինքներդ գիտեք: Բայց այդպիսի որոշումների տարրերն արդեն սկսել են իրագործվել տարածաշրջանային մակարդակում: Մարզերի ղեկավարները որոշումներ են կայացնում՝ ելնելով իրենց հատուկ լիազորություններից, որոնք նրանց է տրվում դաշնային կենտրոնից», – ասել է նա: