Վերջին շաբաթվա ընթացքում Թուրքիայում կորոնավիրուսի «Դելտա» շտամով վարակվելու դեպքերի քանակը գրեթե եռապատկվել է և հասել 750-ի»,- ասել է հանրապետության առողջապահության նախարարության ղեկավար Ֆահրեթին Քոջան:
««Դելտա» շտամով դեպքերի քանակը մեկ շաբաթվա ընթացքում 36 մարզերում 286-ից հասել է 750-ի: «Դելտա+» շտամի համար մենք լավ լուր ունենք. դեպքերի աճ չի եղել»,- լրագրողներին ասել է Քոջան:
Հուլիսի 6-ին Քոջան հաղորդել է երեք նահանգներում՝ ներառյալ Ստամբուլում, Delta Plus շտամի վարակի երեք դեպքի մասին:
Պատասխանելով պարտադիր պատվաստումների հնարավոր ներդրման մասին հարցին՝ Քոջան ասել է, որ «պարտադիր պատվաստումը օրակարգում չէ:
«Պատվաստումների տեմպը մի փոքր արագացել է, բայց դեռ ոչ բավարար մակարդակում է: Այն տարածքներում, որտեղ դրա մակարդակն անբավարար է, մենք նկատում ենք դեպքերի 20% աճ»,- ավելացրել է նախարարը:
