2020 թ.-ին կորոնավիրուսային համաճարակն աշխարհում խիստ ռեցեսիա է առաջացրել և սպառնացել սննդի հասանելիությանը, ասվում է ՄԱԿ-ի զեկույցում, որը երկուշաբթի՝ հուլիսի 12-ին, հրապարակվել է ՅՈՒՆԻՍԵՖ-ի կայքում:
Ըստ ՄԱԿ-ի`անցյալ տարի քաղցը կտրուկ աճել է ինչպես բացարձակ, այնպես էլ համամասնական արտահայտությամբ. 2.3 միլիարդ մարդ, կամ աշխարհի բնակչության 30% -ը, այսօր չունեն լիարժեք սնուցման մշտական հասանելիություն:
Նշվում է, որ այս ցուցանիշը տարվա կտրվածքով աճել է նույնքանով, ինչ նախորդ հինգ տարիների միջին ցուցանիշը:
Տարվա ընթացքում ավելացել է նաև մոլորակի շարունակ թերսնված բնակիչների թիվը: Մասնավորապես, անցյալ տարի սոված է եղել մինչև 811 միլիոն մարդ, կամ աշխարհի բնակչության մոտ 9,9% -ը (2019 թ.-ի 8,4% -ի դիմաց)։
Բացի այդ, «կորոնավիրուսային» տարվանից հետո ավելի քան 149 միլիոն երեխա՝ մինչև հինգ տարեկան, սովի պատճառով ունեն զարգացման խնդիրներ կամ չափազանց ցածրահասակ են իրենց տարիքի համար, իսկ ավելի քան 45 միլիոնը թերսնված են կամ չափազանց նիհար: Եվ միայն 39 միլիոն երեխա ունի ավելորդ քաշ։
Հաղորդվում է, որ Ասիան (418 միլիոն), Աֆրիկան (282 միլիոն) և Լատինական Ամերիկան (60 միլիոն) առավել թերսնված են: