Լրագրողները, ընդդիմադիրներն ու նրանց կողմնակիցները Թբիլիսիի կենտրոնում վերսկսել են բողոքի ակցիան՝ պահանջելով Վրաստանի վարչապետ Իրակլի Ղարիբաշվիլիի և նրա կառավարության հրաժարականը: Այս մասին «ՌԻԱ Նովոստի»-ին հայտնել է բողոքի մասնակից Թեոնա Զազարաշվիլին:
«Ռուսթավելի պողոտան կրկին փակ է, տեղում հսկում են մեծ թվով ոստիկաններ։ Ակցիան սկսվել է, աստիճանաբար կսկսվեն խոսափողի մոտ ելույթները»,- ասել է գործակալության զրուցակիցը։
Երկուշաբթի օրը Վրաստանի խորհրդարանում ծեծկռտուք է տեղի ունեցել ընդդիմադիր և իշխանամետ պատգամավորների միջև։ Առաջինները պնդում էին, որ խորհրդարան թողնեն շենքի մոտ հավաքված բոլոր վրացի լրագրողներին, որոնք երեկվանից պահանջում են Ղարիբաշվիլիի հրաժարականը։
Նշվում է, որ հենց հուլիսի 5-ին վարչապետի խոսքերը ՝ ԼԳԲՏ համայնքի ներկայացուցիչների «Արժանապատվության երթի» աննպատակահարմարության մասին, հանգեցրել են նրանց դեմ ագրեսիայի:
Կառավարության ղեկավարի հրաժարականի պահանջն առաջացել է այն բանից հետո, երբ հայտնի է դարձել, որ մահացել է հուլիսի 5-ի ակցիային տուժած «ՏՎ Փիրվելի» հեռուստաընկերության օպերատոր Ալեքսանդր Լաշկարավան:
Սկզբում նրան հիվանդանոց են տեղափոխել աչքի վնասվածքով, հետո դուրս են գրել։ Մի քանի օր անց տղամարդուն տանը մահացած է գտել նրա մայրը։
ՆԳՆ-ում հայտնել են Լաշկարավային ծեծելու մեջ կասկածվող 4 մարդու ձերբակալության մասին։
