«ԱՄՆ-ը, վրացական իրավապահ մարմինների հետ միասին, քրտնաջան աշխատանք է տարել՝ ցույցերը կառավարելու հմտությունները սովորեցնելու համար: Ուստի մենք հիասթափված ենք, քանի որ վերապատրաստման ունակություններն ու գործիքները չեն կիրառվել, երբ պարզվել էր, որ ամբոխի մեջ կան բռնություն ցանկացողներ», – ասել է ԱՄՆ դեսպան Քելի Դեգնան:
«Համոզված եմ, որ Վրաստանի բնակչության մեծ մասը չի ցանկանում բռնություն գործադրել ոչ մի պարագայում, հատկապես քաղաքացիական անձանց և լրագրողների նկատմամբ, ովքեր իրենց գործն են անում: Այնպես որ, կարծում եմ, որ դա Վրաստանի համար հիասթափության օր էր, և շատերն արդեն մեկնաբանել են դա: Մի երկիր, որը հիմնականում հայտնի է մարդու իրավունքների պաշտպանությամբ և հանդուրժողականությամբ, հրաժարվել է այդ արժեքներից», -գնահատելով հուլիսի 5-ի իրադարձություննները՝ ասել է Քելի Դեգնանը:
Պատասխանելով լրագրողների հարցին, թե արդյո՞ք կառավարության նիստում Վրաստանի վարչապետ Իրակլի Ղարիբաշվիլիի հայտարարությունը նպաստել է բռնություններին, դեսպանն ասել է.
«Մենք ակնկալում էինք, որ նա՝ որպես վարչապետ, առանցքային դեր կխաղա իրավիճակը հանդարտեցնելու գործում և կդատապարտի բռնությունները Վրաստանի քաղաքացիների, իհարկե, նաև լրագրողների նկատմամբ: Ուստի շատ եմ ցավում, որ այս օրերին մենք ավելի ուժեղ ղեկավարություն չտեսանք», – ասել է Քելի Դեգնանը: