«Առաջին լրատվական»–ի հարցերին պատասխանել է Թբիլիսիի Black Sea Press գործակալության գլխավոր խմբագիր, քաղաքագետ Գելա Վասաձեն
Հուլիսի 5-ին ավելի քան 50 մարդ, հիմնականում ԶԼՄ աշխատակիցներ, հարձակման են ենթարկվել ծայրահեղ աջ պահպանողական խմբերի կողմից, որոնք հանդես էին գալիս Թբիլիսում ԼԳԲՏ երթի անցկացման դեմ։ մահացել է օպերատոր Ալեքսանդր Լաշկարավան։ Ի՞նչ է կատարվում Վրաստանում։
Նախ ճշտենք, թե ինչ է տեղի ունեցել: Դուք շատ ճիշտ նկարագրեցիք բոլոր իրադարձությունները: տեղի է ունեցել այն, որ երբ իշխանությունը փորձում է օգտագործել այն լարվածության լծակները, որոնք կան հասարակությունում, իսկ այդ լծակը ի հայտ եկավ նրանից, որ ամբողջ աշխարհում իրականացվում էր ԼԳԲՏ ակտիվիզմի շաբաթ, և իշխանությունը փորձում է վերաֆորմատավորել քաղաքական դաշտը այն սկզբունքով, որ ընդդիմությունը ԼԳԲՏ-ն է, իսկ իշխանությունը՝ ավանդական արժեքների պաշտպանը, այդ ժամանակ ստացվունմ է այն, ինչ որ ստացվում է: Այն, որ իշխանությունները մասնակցել էին հուլիսի 5-ի ակցիաների կազմակերպմանը, դա Վրաստանում ակնհայտ է, բայց ինչ-որ պահի այդ ակցիան դուրս եկավ վերահսկողությունից ԼԳԲՏ ներկայացուցչի պատճառով, ակտիվիստներին սկսեցին ծեծել մամուլի ներկայացուցիչները: Պարզապես, երբ ագրեսիվ ամբոխը դուրս է գալիս փողոց, հետևանքը լինում է այն, ինչ տեսանք: Արդյունքում մահացած երիտասարդ, ինչը շատ ցավալի և ողբերգական է:
Վրաստանի ընդդիմությունը վստահ է, որ եթե երկրի իշխանությունները, առաջին հերթին ոստիկանությունը, հուլիսի 5-ին հստակ քայլեր ձեռնարկեին, որպեսզի թույլ չտան ազգայնականների կողմից բռնություն լրագրողների նկատմամբ, Լեսկո Լաշկարավան այսօր ողջ կլիներ:
Նախ, եկեք նրանց չանվանենք ազգայնականներ: Այնտեղ երեք խմբեր կային: Առաջինը ուլտրա-արմատական խմբերն էին, որոնք կրկնակի ազդեցության տակ են՝ Վրաստանի հատուկ ծառայությունների և Ռուսաստանի հատուկ ծառայությունների: Երկրորդ խմբում մարդիկ էին, որոնք կապ ունեն վրաց պատրիարքության հետ, Վրաց եկեղեցու հետևորդներ են և նրանք ավելի քիչ ագրեսիվ էին, իսկ երրորդ խումբը «Վրացական երազանքի» ակտիվիստներն էին, որոնց բերել էին, որպեսզի ակցիան մեծաքանակ լինի: Այդ խումբը ևս աչքի էր ընկնում ծայրահեղ ագրեսիվությամբ: Դրա համար էլ ոստիկանությունը իր քաղաքացիների պաշտպանությունն ուղղված միջոցառումներ չի ձեռնարկել, որի հետևանքով ունեցանք վիճակ, որ վիրավորում է ստացել ավելի քան 50 մարդ, որոնց մեծ մասը լրագրողներ են: Կրկնեմ, այնտեղ չեն եղել ԼԳԲՏ որևէ ներկայացուցիչ, ուղղակի ագրեսիան ուղղվեց լրագրողների ուղղությամբ: հետևաբար, իշխանությունը կրում է ամբողջական քաղաքական պատասխանատվություն տեղի ունեցածի համար:
Ինչի՞ կհանգեցնեն այս անկարգությունները:
Նմանատիպ անկարգությունները հանգեցնում են քաղաքական ճգնաժամերի, որն արդեն կա: Իրականում, երբ իշխանությունը չի կարողանում պաշտպանել իր քաղաքացիներին, բնկանաբար, բոլոր քաղաքական ուժերը և քաղաքացիական հասարակությունն սկսում է բողոքի դուրս գալ: Այստեղ «Վրացական երազանքի» համար ես վատ նորություններ ունեմ: Նրանք վիրավորել են հասարակության առավել զգայուն խմբի շահերը, խոսքը մեդիայի մասին է: բոլորը գիտեն, որ առանց մեդիայի չի կարող գոյություն ունենալ նորմալ քաղաքակիրթ հասարակությունԱնկախ նրանից, թե որ լրատվամիջոցում է աշխատում այս կամ այն լրագրողը, լրագրողների մեջ պրոֆեսիոնալ համերաշխությունը շատ բարձր մակարդակի վրա է և բոլորը վրդովված են:
Սահակաշվիլին վստահ է, որ այս ամենն ուղղորդված է Մոսկվայից: Դուք կիսո՞ւմ եք նման համոզմունքը:
Իհարկե, այն, ինչ տեղի ունեցավ հուլիսի 5-ին Վրաստանում, հիբրիդային պատերազմի իդեալական ակտ էր: Ես արդեն ասացի, որ ուլտրա-արմատական ուժերը շատ մեծ չափով կրում են Ռուսաստանի հատուկ ծառայությունների ազդեցությունը: Բացի այդ, ռուսական քաղաքական, և ոչ միայն քաղաքական շրջանակների հետ կապ ունեն նաև Վրաց եկեղեցու շատ շրջանակներ, հետևաբար այստեղ չտեսնել Մոսկվայի ձեռքը, պրակտիկորեն անհնար է:
