Նախագահ Ժովենել Մոիզին խոշտանգել են սպանությունից առաջ։ Այս մասին հայտնել է Հայիթիի ժամանակավոր վարչապետ Կլոդ Ժոզեֆը, փոխանցում է ABC News-ը։
«Նախագահի տուն վարձկաններ էին եկել, խոշտանգել են նրան և սպանել»,- հայտարարել է Կլոդ Ժոզեֆը։
Ընդ որում, նա ընդգծել է, որ ցնցված է եղել, թե ինչպես է սպանվել Մոիզը։
Վարչապետի խոսքով ՝ ոստիկանությունը ձերբակալել է գրեթե 20 մարդու, որոնք ներգրավված են Հայիթիի նախագահի սպանությանը։
«Նրանցից 20-ը ներկայումս գտնվում են կալանքի տակ։ Մենք հավատում ենք, որ արդարադատությունը կվերականգնվի նախագահ Ժովենել Մոիզի նկատմամբ»,- հավելել է Ժոզեֆը:
Հայիթիի վարչապետը նաև հայտարարել է, որ իր գլխավոր խնդիրը Մոիզի ընտանիքի նկատմամբ արդարության վերականգնումն է։
Ավելի վաղ Հայիթիի իշխանությունները խնդրել էին ԱՄՆ-ին զորքեր մտցնել նախագահի սպանությունից հետո առանցքային ենթակառուցվածքների պաշտպանության համար, սակայն ԱՄՆ-ը մերժել է։
Հիշեցնենք, որ Հայիթիի նախագահ Ժովենել Մոիզը մահացու հրազենային վնասվածքներ է ստացել հուլիսի 7-ի գիշերը նրա նստավայրի վրա հարձակման հետևանքով: Նրա կինը ՝ Մարտին Մոիզը, ծանր վիճակում՝ որովայնի և ձեռքերի վնասվածքներով տեղափոխվել է Մայամիում բուժման։
Հայիթիի իշխանությունները հայտնել են նախագահի սպանությանը մասնակցության մեջ կասկածվողների ձերբակալության մասին։ Հայիթիի քվեարկության և միջկուսակցական հարաբերությունների հարցերով նախարարը հայտնել է, որ Մոիզին սպանած վարձկանների ջոկատը բաղկացած է եղել 26 հոգուց:
Հայիթիի սենատը Ժոզեֆ Լամբերին ընտրել է երկրի ժամանակավոր նախագահ։
