Մարդիկ չեն ուզում խոստովանել, որ որքան մեծանում են, այնքան կորցնում են ճկունությունն ու եռանդը: Տարիքի հետ մարդիկ փորձ և իմաստություն են ձեռք բերում, սակայն մտապահելու կարողությունը նվազում է, կորցնում են արագ կողմնորոշվելու ունակությունը:
Մելբուռնի համալսարանի գիտնականներն ապացուցել են, որ շաբաթական 30 ժամ աշխատանքը նպաստում է կոգնիտիվ ֆունկցիայի զարգացմանը, սակայն նվազեցնում է արտադրողականությունը: Հետազոտությանը մասնակցել է 40-ն անց 3 500 կին և 3 000 տղամարդ: Նրանք կոգնիտիվ թեստի փորձարկում են անցել գիտնականների հսկողությամբ:
Փորձերն ապացուցել են, որ շաբաթական 55 ժամից ավելի աշխատող մարդկանց մոտ նկատվել է կոգնիտիվ անկում, մինչդեռ քիչ աշխատողների կամ ընդհանրապես չաշխատողների մոտ այդպիսի բան չի նկատվել: Այդ տարիքում ինտելեկտուալ մտավարժանքները շատ կարևոր են, օրինակ խաչբառեր ու գլուխկոտրուկներ լուծելը, մինչդեռ չափից շատ ծանրաբեռնվածությունը կարող է հակառակ արդյունքն ունենալ:
Շատ երկրներում քննարկվում է օրենսդրական դրույթը, որի համաձայն՝ անհրաժեշտ է ավելացնել կենսաթոշակային տարիքը, մինչդեռ գիտնականները կարծում են, որ այդ դեպքում պետք է աշխատաքային շաբաթը դարձնել 3 օր: Նրանք հիշեցնում են, որ փողն, իհարկե, կարևոր է, սակայն ամենակարևորը չէ կյանքում: Կան ավելի կարևոր բաներ. օրինակ՝ ընկերների ու ընտանիքի հետ ժամանակ անցկացնելն ու լավ հիշողություններ ունենալը:
