Դեմքի փոքր ելուստները՝ քսանտոմաները, կարող են վկայել արյան մեջ խոլեստերինի մակարդակի բարձրացման մասին, գրել է բրիտանական Daily Express թերթը՝ հղում անելով բժիշկ Կատարինա Սվանբերգին:
Հոդվածում նշվում է, որ միակ ճշգրիտ միջոցը, պարզելու անձը բարձր խոլեստերին ունի, թե ոչ, արյան անալիզ հանձնելն է: Այնուամենայնիվ, ըստ բժշկի, եթե դա երկար ժամանակ է ինչ գերազանցում է նորման, ապա դա կարող է իրեն դրսևորվել մաշկի վրա:
«Սուր և դեղնավուն ելուստները հաճախ զարգանում են կոպերի վրա կամ դրանց շուրջ: Դրանք անվնաս են և չեն ցավում», – ավելացրել է Սվանբերգը:
Եթե քսանտոմա է հայտնաբերվել դեմքին, անհրաժեշտ է խորհրդակցել բժշկի հետ և արյան անալիզ հանձնել: Խոլեստերինը կարող է կուտակվել զարկերակներում՝ պատճառ դառնալով, որ դրանք ժամանակի ընթացքում արգելափակվեն: Կախված այն բանից, թե մարմնի որ մասում է, դա կարող է հարուցել ինսուլտ կամ սրտի կաթված:
Ակտիվ կենսակերպը և չհագեցած ճարպերով հարուստ դիետան կարող են օգնել արյան մեջ խոլեստերինի մակարդակի իջեցմանը, նշել է բժիշկը: