Եվրամիության միջազգային դիվանագիտության ղեկավար Ժոզեպ Բորելը ԵՄ-ին կոչ է արել արձագանքել Ռուսաստանի և Չինաստանի «պատվաստանյութային դիվանագիտությանը»: Հայտնում է ՏԱՍՍ-ը:
Ըստ Բորելի՝ Մոսկվան և Պեկինը խթանում են «պատվաստանյութային դիվանագիտությունն» ամբողջ աշխարհում: Եվրամիությունը պետք է դա իմանա և սկսի գործել այդ փաստի հիման վրա: Բացի այդ, դիվանագետը նշել է, որ առջևում դեռ երկար պայքար կա կորոնավիրուսի դեմ, և այս պահին դժվար է կանխատեսել, թե արդյոք աշխարհի երկրները կկարողանա՞ն հաղթահարել վարակը մինչև 2023 թվականը:
Ավելի վաղ Ֆրանսիայի արտգործնախարարությունը ԵՄ երկրներին կոչ էր արել չճանաչել Ռուսաստանում և Չինաստանում մշակված կորոնավիրուսի պատվաստանյութերը:
«Անհրաժեշտ է, որ այն դեղերի ցանկը, որոնցով պատվաստվելու դեպքում մարդկանց կթույլատրվի մուտք գործել Ֆրանսիայի տարածք, սահմանափակվի այնպիսի պատվաստանյութերով, որոնց արարդյունավետությանը վստահ ենք»,- ասել է Ֆրանսիայի ԱԳՆ պետքարտուղար Քլեմենտ Բոնը՝ նշելով, որ այս պահին Ֆրանսիայում և եվրոպական երկրներում պաշտոնապես ճանաչվել է միայն չորս պատվաստանյութ:
