Գերմանիայի Անհալտ-Բիթերֆելդ օկրուգում հաքերային հարձակումը պատճառ է դարձել արտակարգ իրավիճակ հայտարարելու համար։ Ինչպես նշում է Deutschlandfunk ռադիոկայանը, սա Գերմանիայում առաջին նման դեպքն է։
Ցանցահենները հարձակվել են շրջանի համակարգչային համակարգի վրա մի քանի օր առաջ, վարչակազմը հայտարարել է, որ աշխատանքը ստիպված կլինի ընդհատել գրեթե երկու շաբաթով:
«Աշխատանքը գրեթե կաթվածահար է»,- ռադիոկայանը մեջբերում է վարչակազմի ներկայացուցչի խոսքը:
Շուրջ 157 հազար բնակչություն ունեցող շրջանում ժամանակավորապես չեն կարողանա սոցիալական և այլ նպաստներ վճարել:
Վարչակազմի ներկայացուցչի խոսքով ՝ արտակարգ դրություն հայտարարելու որոշումն ընդունվել է «արագ արձագանքելու» համար: