ԵՄ-ն ստացել է բավարար քանակի պատվաստանյութ հուլիսին չափահաս բնակչության 70%-ին պատվաստելու համար: Այս մասին հայտարարել է Եվրահանձնաժողովի ղեկավար Ուրսուլա ֆոն դեր Լեյենը։ Հաղորդում է ՏԱՍՍ-ը։
«Եվրամիությունը խոստման տերն է։ Այս հանգստյան օրերին մենք ԵՄ անդամ պետություններին պատվաստանյութ ենք հասցրել այնքան, որ այս ամիս լիարժեք պատվաստեն ԵՄ չափահաս քաղաքացիների առնվազն 70%-ին », – ասել է Ֆոն դեր Լեյենը:
Ըստ նրա, առաջիկայում կես միլիարդ դոզա պատվաստանյութ կբաշխվի երկրների միջև: Եվրոպայում կորոնավիրուսով վարակվել է 48,7 միլիոն մարդ, նրանցի 1,1 միլիոնը մահացել է:
Ավելի վաղ Եվրահանձնաժողովը մի շարք այլ երկրների, ներառյալ Ռուսաստանի, «Քովիդ» սերտիֆիկատների փոխադարձ ճանաչման բանակցությունների համար: տեխնիկական հարցում էր ուղարկել։
Հուլիսի 8-ին Մոսկվայում ԵՄ դեսպան Մարկուս Էդերերը ասել էր, որ Բրյուսելը Ռուսաստանին առաջարկել է միանալ սերտիֆիկացման եվրոպական համակարգին: Միևնույն ժամանակ, եվրոպացի դիվանագետը շեշտել է, որ այս փուլում դեռ վաղ է ասել, թե երբ սահմաններն ամբողջությամբ կբացվեն: