ՌԴ նախագահի մամուլի քարտուղար Դմիտրի Պեսկովը պարզաբանել է, թե արդյո՞ք պետության ղեկավար Վլադիմիր Պուտինը տեղյակ է աֆղանական «Թալիբան» արմատական շարժման քաղաքական գրասենյակի պատվիրակության Մոսկվա ժամանելու մասին:
«Իհարկե, Պուտինը տեղյակ է, որ շփումներն անհրաժեշտ են այն ֆոնի վրա, թե որքան լարված իրավիճակ է զարգանում Աֆղանստանում՝ Աֆղանստանի և Տաջիկստանի սահմանին. այդ բանակցություններն անհրաժեշտ են»,- ասել է Կրեմլի խոսնակը:
Լրագրողների այն հարցին, թե արդյո՞ք Մոսկվան կճանաչի թալիբներին, եթե նրանք գրավեն ամբողջ Աֆղանստանը, Պեսկովը պատասխանել է, որ նման մտքերը տեղին չէ:
«Չեմ կարծում, որ հնարավոր է ինչ-որ կերպ պատասխանել այս հարցին»,- ասել է նա:
«Թալիբան» շարժման ներկայացուցիչները Ռուսաստանի մայրաքաղաք են ժամանել հուլիսի 8-ին: