Վրաց-գերմանական համաֆինանսավորմամբ՝ վերականգնվել է Բոլնիսի պատմական մասում գտնվող հին գերմանական շենքը, որտեղ տարիներ առաջ հայկական դպրոց էր գործում: aliq.ge-ի փոխանցմամբ՝ տեղեկատվությունը տարածել է Բոլնիսի քաղաքապետարանի մամուլի ծառայությունը:
Նշվում է, որ ծրագրի շրջանակներում, առաջին փուլում, գերմանական կողմի ֆինանսավորմամբ շենքը փակվել է, հիմքը կառուցվել, վերականգնվել է ճակատային մասն ու գնվել է շենքի համար անհրաժեշտ գույքը:
Վերականգնված հին գերմանական շենք են այցելել Գերմանիայի Դաշնային Հանրապետության դեսպան Հուբերտ Կնիրշը, Հարավային Կովկասում գերմանական մշակութային ժառանգության ասոցիացիայի նախագահ Օլիվեր Ռայզները, Ավետարանական լյութերական եկեղեցու եպիսկոպոս Մարկուս Շոխը և Բոլնիսի քաղաքապետ Դավիթ Շերազադիշվիլին: Նախատեսվում է վրաց-գերմանական մշակութային կենտրոն բացել նախկին հայկական դպրոցի շենքում: Տեղական ինքնակառավարումը 356,000 լարի է հատկացրել վերականգնողական աշխատանքների համար»,-ասված է հայտարարության մեջ:
Ըստ Բոլնիսի քաղաքապետարանի, ենթակառուցվածքային աշխատանքները կավարտվեն օգոստոսին:
