Գերմանաբնակ թուրք լրագրող Էրք Աջարերը, որը հայտնի է թուրքական իշխանություններին հասցեագրված սուր քննադատություններով, 3 հոգու կողմից հարձակման է ենթարկվել Բեռլինում գտնվող իր տան բակում, տեղեկացնում է Ermenihaber-ը։
Այս մասին նա հուլիսի 7-ին գրառում է արել Twitter-ում և դրան կից հրապարակել լուսանկար, որտեղ երևում են նրա ստացած վնասվածքները: Լրագրողը հոսպիտալացվել է:
Թուրքական «BirGün» թերթի թղթակից Աջարերն իր հրապարակած տեսանյութում հայտնել է, որ իր վրա դանակով և բռունցքներով հարձակված անձինք եղել են թուրքեր, բայց անուններ և դեպքի վերաբերյալ մանրամասներ չի հայտնել, քանի որ Գերմանիայի իրավապահ մարմինների պահանջել են նման բնույթի հրապարակումներ և գրառումներ չանել:
«Այս ամենն ապացույցն է այն բանի, որ ինչ ասում և գրում ենք այս իսլամիստ և ֆաշիստ AKP-MHP (իշխող և ազգայնամոլական կուսակցություններ Թուրքիայում) իշխանության դեմ, ճիշտ է»,- գրել է Աջարերը:
