Կորոնավիրուսի պատվաստանյութ գնելու առաջարկով կեղծ փոստային տեղեկագրերը հայտնվել են համավարակի ֆոնին, ТАСС-ի փոխանցմամբ, Cyber Polygon-2021 կիբերանվտանգության առցանց դասընթացին նվիրված մամուլի ասուլիսում ասել է Ինտերպոլի կիբերհանցագործությունների հետաքննության տնօրեն Քրեյգ Ջոնսը:
«Դրանք էլեկտրոնային փոստով տարածված տեղեկագրեր են: Մենք արձանագրում ենք, որ տեղեկագրերը շոշափում են նաև պատվաստումների թեման: Մենք տեսնում ենք նամակներ, որոնցում մարդիկ առաջարկում են պատվաստանյութ ձեռք բերել՝ խաղալով այդ թեմայի խոցելիության վրա»,- ասել է նա:
Ջոնսը նշել է, որ կան հանցավոր ցանցեր, որոնք առաջարկներ են ուղարկում ենթադրաբար իրական պատվաստանյութեր գնելու և կեղծ պատվաստանյութեր են մշակում: Նա բացատրել է, որ դա խարդախության հիբրիդային մոդել է, երբ առցանց-տեղեկագրերը զուգորդվում են ֆիզիկական հանցագործությունների հետ:
