Լիտվան Բելառուսի հետ սահմանին պատ կկառուցի՝ ներգաղթյալների հոսքը զսպելու համար: МК պարբերականի փոխանցմամբ՝ նման հայտարարություն է արել Լիտվայի վարչապետ Ինգրիդա Շիմոնիտեն: Անօրինական ներգաղթյալների հետ կապված իրավիճակի մասին խոսելով՝ պաշտոնյան հարևան երկրին մեղադրել է «հիբրիդային հարձակման» մեջ:
«Մենք պահպանում ենք ոչ միայն Լիտվայի սահմանը, այլև ԵՄ-ի արտաքին սահմանները»,- նշել է նա:
Ավելի վաղ Բելառուսի նախագահ Ալեքսանդր Լուկաշենկոն հայտարարել էր, որ այլևս չի զսպի իր երկրի տարածքով ներգաղթյալների հոսքը: Նրա խոսքով` երկիրը դրա համար ո՛չ ուժ ունի, ո՛չ ռեսուրս: Լուկաշենկոյի խոսքերից հետո Լիտվայում անօրինական ներգաղթյալների առնչությամբ մտահոգություններ էին հնչել:
Մերձավոր Արևելքից Բելառուսով Լիտվա անցած ներգաղթյալների թիվը վերջին ամսվա ընթացքում 12 անգամ ավելի բարձր է եղել, քանի ամբողջ 2020-ի ընթացքում: Ամեն օր Բելառուս-Լիտվա սահմանին ձերբակալվում է Սիրիայի, Իրաքի, Իրանի և Աֆղանստանի 130-160 քաղաքացի:
