Ռուսաստանում կորոնավիրուսի պատճառով մահացու վախճանների թիվը մեկ օրում աճել Է 737-ով՝ մեկ օր առաջվա 654-ի դիմաց, դա առավելագույնն Է համավարակի ընթացքում: Ընդամենը վարակից մահացել Է 139 316 հիվանդ, հուլիսի 6-ին լրագրողներին հայտնել են COVID-19-ի դեմ պայքարի դաշնային օպերատիվ շտաբում:
Պայմանական մահացությունը (վերջնականը կարելի կլինի որոշել սոսկ համաճարակն ավարտվելուց հետո) մնացել Է 2,46 տոկոսի մակարդակում, հետեւում Է շտաբի տվյալներից: Ռուսաստանում կորոնավիուսով վարակման հաստատված դեպքերի թիվը մեկ օրում աճել Է 23 378-ով՝ մինչեւ 5 658 672: Հարաբերական արտահայտությամբ նոր դեպքերի աճը կազմել Է 0,41 տոկոս: Կորոնավիրուսից հետո բուժված ռուսաստանցիների թիվը մեկ օրում աճել Է 18 411-ով, դա առավելագույնն Է փետրվարի 19-ից ի վեր:
Իսկ ընդամենը ապաքինվել Է 5 101 852 մարդ: Դուրս գրված հիվանդների բաժինը, շտաբի տվյալների համաձայն՝ կազմում Է վարակվածների ընդհանուր թվի շուրջ 90,2 տոկոսը: Մոսկվայում կորոնավիրուսով վարակման դեպքերի թիվը մեկ օրում աճել Է 5 498-ով՝ մեկ օր առաջվա 6 557-ի դիմաց: Ընդամենը համավարակի սկզբից քաղաքում հայտնաբերել են 1 399 830 ախտահարված:
Հարաբերական արտահայտությամբ աճը կազմել Է 0,39 տոկոս: Մեկ օրում արձանագրվել Է 114 մահ կորոնավիրուսի պատճառով, դրանց ընդհանուր թիվը, շտաբի տվյալներով՝ կազմել Է 23 115: Մայրաքաղաքում մեկ օրում ապաքինումից հետո դուրս Է գրվել 6 019 հիվանդ, ամբողջ ժամանակամիջոցում ապաքինվել Է 1 194 207-ը: Ներկայումս բուժումն Է շարունակում182 508 մարդ, հաղորդել Է ՏԱՍՍ-ը:
