«Արժանապատվության երթը» չի անցկացվի, այս մասին հայտարարություն են տարածել «Հպարտության շաբաթվա» կազմակերպիչները: Հայտարարության համաձայն՝ «պատերազմ է հայտարարվել քաղաքացիական հասարակության, ժողովրդավարական արժեքների և երկրի եվրոպական ուղու դեմ»:
Հիշեցնենք, որ այսօր լարված իրավիճակ էր ստեղծվել Թբիլիսիի Ռուսթավելի պողոտայում։ Tbilisi Pride հասարակական կազմակերպությունը կազմակերպել է համերաշխության շաբաթ սեռական փոքրամասնությունների հետ, որը նախատեսվում էր ավարտել այսօր՝ հուլիսի 5-ին` Արժանապատվության երթով: Պահպանողական արմատական կազմակերպություններն ու խմբերը դեմ են Tbilisi Pride-ին և պահանջում են արգելել Արժանապատվության երթը:
Իսկ Tbilisi Pride-ի հակառակորդները կրկին հավաքվել են Ռուսթավելիի պողոտայում: Ցուցարարների մի մասը հավաքվել է խորհրդարանի շենքի դիմաց, որտեղ կատարվում են երաժշտական համարներ, իսկ մյուս մասը՝ Քաշվեթի եկեղեցու մոտ, որտեղ կատարվել է աղոթք: