Կացնով զինված տղամարդը ներխուժել է Վրաստանի հարավ-արևմուտքում գտնվող Օզուրգեթի քաղաքի Սուրբ Աստվածածնի Վերափոխման եկեղեցի: Վնասել է եկեղեցու սրբապատկերներն ու գույքը: Այս մասին հայտնել է «Գուրիս Մոամբե» տեղական գործակալությունը:
Սուրբ Աստվածածնի Վերափոխման եկեղեցին գտնվում է Շեմոկմեդի մեծ վանական համալիրի տարածքում: Հարձակումը տեղի է ունեցել կիրակնօրյա պատարագից անմիջապես հետո, որին ականատես են եղել տասնյակ մարդիկ:
Տուժած հավատացյալների մասին տվյալներ չեն հաղորդվում: Սրբապատկերներից բացի վնասվել են խորանն ու մոմակալները:
Ծխականները ոստիկանություն են կանչել: Երբ Վրաստանի ՆԳՆ աշխատակիցները փորձել են բերման ենթարկել հարձակվողին, նա կացնով հարվածել է ոստիկանական մեքենային: Իրավապահ մարմինների աշխատակիցները տղամարդուն վնասազերծել են և ձեռնաշղթաներ հագցրել։
Առայժմ հայտնի չեն կատարվածի դրդապատճառները:
