Հետազոտողները վերլուծել են, թե ինչպես են աղիների մանրէներն ազդում ուղեղի ցանցերի գործունեության վրա, որոնք պատասխանատու են սոցիալական վարքի համար: Այս մասին հայտնում է Livescience-ը:
Գիտնականները համեմատել են նորմալ մկների ուղեղի ակտիվությունն ու վարքը աղիքային խնդիրներ ունեցող մկների հետ:
Մասնավորապես, փորձագետներն ուսումնասիրել են կենդանիների ուղեղները՝ c-Fos գենի առկայությունը պարզելու համար, որը միանում է ուղեղի ակտիվ բջիջներում: Եվ նրանք պարզել են, որ դրանց մոտ այդ գենի ակտիվացումը մեծացել է ուղեղի այն հատվածներում, որոնք արձագանքում են սթրեսին:
Դա պայմանավորված է սթրեսային հորմոնի՝ կորտիկոստերոնի առաջացումով, որն արտադրվում է սթրեսային իրավիճակներին օրգանիզմի կենտրոնական արձագանքման համակարգով:
Այնուհետև գիտնականներն ուսումնասիրել են մակերիկամը և պարզել, որ դրա հեռացումը բարելավում է մկների սոցիալական վարքը:
«Միասին այս փորձերը համոզիչ կերպով ցույց են տվել, որ նորմալ մկների մոտ աղիքային մանրէները ինչ-որ կերպ ձևափոխում են կորտիկոստերոնի արտադրությունը և օգնում կենդանիներին մասնակցել սոցիալական վարքին, իսկ առանց մանրէների մկները հաղթահարում են սթրեսի հորմոնի ավելցուկը և այդպիսով չեն մասնակցում սոցիալական փոխազդեցության»,- եզրակացրել են հետազոտողները։